28 ءساۋىر كۇنى قىرعىزستان مەن تاجىكستان شەكاراسىندا قاقتىعىس بولدى. قاقتىعىسقا ەكى ەل ازاماتتارى قاتىسقان. قوس تاراپتان 100-150 ادام جينالىپ، ءبىر-بىرىنە تاس لاقتىرعان.
قاقتىعىس تاجىكستاننىڭ بەينەباقىلاۋ كامەراسىن سۋ قويماسىنىڭ ماڭىنا ورناتۋىنان تۋىنداعان. تاجىك تاراپى كامەرانى سۋدى ادىلەتتى ءبولۋ پروتسەسىن باقىلاۋ ماقساتىندا ورناتقان. ءدال سونداي باقىلاۋ كامەراسىن قىرعىزستان بۇدان بىرنەشە اي بۇرىن ورناتقان ەدى.
قاقتىعىس 29 ءساۋىر كۇنى قايتا جالعاستى. بۇل جولى ەكى ەل ساربازدارى قارۋلى قاقتىعىسقا كوشكەن. اتىس بارىسىندا اۆتومات جانە پۋلەمەت قولدانۋ فاكتىلەرى تىركەلۋدە. رەسمي بىشكەك دۋشانبەنى ايىپتاسا، دۋشانبە بىشكەكتى كىنالاپ وتىر. اتىس سالدارىنان اۋرۋحاناعا تۇسكەندەر سانى ارتۋدا. قىرعىزستان بيلىگى شۇعىل ارادا قاۋىپسىزدىك كەڭەسىنىڭ وتىرىسىن وتكىزۋدى جوسپارلاپ وتىر.
اسحات قاسەنعالي،
"ادىرنا" ۇلتتىق پورتالى
