28 sáýir kúni Qyrǵyzstan men Tájikstan shekarasynda qaqtyǵys boldy. Qaqtyǵysqa eki el azamattary qatysqan. Qos taraptan 100-150 adam jınalyp, bir-birine tas laqtyrǵan.
Qaqtyǵys Tájikstannyń beınebaqylaý kamerasyn sý qoımasynyń mańyna ornatýynan týyndaǵan. Tájik tarapy kamerany sýdy ádiletti bólý proesin baqylaý maqsatynda ornatqan. Dál sondaı baqylaý kamerasyn Qyrǵyzstan budan birneshe aı buryn ornatqan edi.
Qaqtyǵys 29 sáýir kúni qaıta jalǵasty. Bul joly eki el sarbazdary qarýly qaqtyǵysqa kóshken. Atys barysynda avtomat jáne pýlemet qoldaný faktileri tirkelýde. Resmı Bishkek Dýshanbeni aıyptasa, Dýshanbe Bishkekti kinálap otyr. Atys saldarynan aýrýhanaǵa túskender sany artýda. Qyrǵyzstan bıligi shuǵyl arada Qaýipsizdik Keńesiniń otyrysyn ótkizýdi josparlap otyr.
Ashat QASENǴALI,
"Adyrna" ulttyq portaly
