Auǧanstanda tūratyn qazaq diasporasy Bırıkken Ūlttar Ūiymynyŋ Migrasiia boiynşa jahandyq elşısı, belgılı öner iesı Dimaş Qūdaibergenge resmi ündeu joldady, dep habarlaidy “Adyrna”.
Ündeude Dimaş Qūdaibergennıŋ Bırıkken Ūlttar Ūiymy aiasynda Migrasiia boiynşa jahandyq elşı boluy diaspora üşın ülken ümıt ekenı atap ötıledı. Osyǧan bailanysty Auǧanstan qazaqtary ekı negızgı mäsele boiynşa kömek sūraidy.
«Qūrmettı Dimaş Qanatūly!
Bügınde Auǧanstannyŋ är aimaǧynda 5 myŋǧa juyq qazaq ömır sürude.
Bız – HH ǧasyrda qazaqtyŋ basynan ötken auyr kezeŋde Auǧanstanǧa ötken ūrpaqpyz. Būl eldegı auyr jaǧdaiǧa qaramastan, qazaq bolyp qaluǧa tyrysyp kelemız. Bıraq hälımız auyr.
Bızdıŋ basty armanymyz – tarihi otanǧa oralu. Ūrpaǧymyzdy aman-esen qazaq ortasyna jetkızu”, delıngen ündeude.
Auǧanstan Qazaq mädeni ortalyǧynyŋ töraǧasy Asadolla Oimauyttyŋ mälımdeuınşe, qazırgı uaqytta 5 myŋǧa juyq adamnyŋ derekterı, tızımderı men qajettı qūjattary tolyq daiyn.
“Qazaqstan tarapyna jasaǧan köptegen ötınışke qaramastan, būl mäsele älı şeşımın tappady. Köş-qon şekteulerı bızge Atamekenge oraluǧa mümkındık bermei otyr.
Sızdıŋ Bırıkken Ūlttar Ūiymynda Migrasiia boiynşa ızgılık elşısı bolǧanyŋyz, bızge ülken ümıt syilaidy.
Sondyqtan Sızden mynany sūraimyz:
• Bızdı repatriasiialyq baǧdarlamaǧa qosuǧa järdem;
• mädeni-gumanitarlyq qoldau.
Bızde qazır 5000 adamnyŋ aqparaty men tızımderı jäne qūjattary daiyn”, – dedı Auǧanstan Qazaq mädeni ortalyǧynyŋ töraǧasy.
Atalǧan ündeu 2025 jyldyŋ 25 jeltoqsanynda joldanǧan. Diaspora ökılderı halyqaralyq ūiymdar men jauapty taraptar būl mäselege nazar audarady degen ümıtte.
