QURMETTI ShYMKENT QALASYNYŃ TURǴYNDARY!
Barshańyzǵa belgili, aǵymdaǵy jyldyń 16 naýryz kúni QR Prezıdenti Qasym-Jomart Toqaev el aýmaǵynda tótenshe jaǵdaı jarııalady.
Sol ýaqyttan bastap QR Densaýlyq saqtaý mınıstrligi koronovırýstyń taralýyn aldyn alý boıynsha bekitilgen algorıtmge sáıkes jumystar atqarylyp jatyr.
ÓKINIShKE ORAI, QALAMYZDA KORONOVIRÝS INDETIN JUQTYRǴAN 2 AZAMAT TIRKELDI.
Qazirgi ýaqytta olar Shymkent qalasynyń juqpaly aýrýlar aýrýhanasynda oqshaýlanyp, em qabyldaýda. Jaǵdaılary turaqty.
Birinshi naýqas 18 naýryz kúni saǵat 17.30-da Nur-Sultan qalasynan «Nur-Sultan-Jetisaı» baǵytymen júretin 51 adam mingen avtobýspen kelgen.
20 naýryz saǵat 23:30-da 4 azamat Shymkent qalasy Bekjan avtovokzalynan túsip, úsheýi Túrkistan qalasy baǵytyna jolǵa shyqqan. Al, bireýin ákesi óz kóligimen úıine jetkizgen. Qalǵan 47 azamat Jetisaı baǵytyna sol avtobýspen saparyn jalǵastyrǵan.
Al, jaman indetti juqtyrǵan azamat 23 naýryzǵa deıin úıinde óz betinshe em qabyldaǵan. Aýrýy asqynǵannan keıin jergilikti ambýlatorııaǵa joǵary dene qyzýymen, bas aýrýymen, jótelmen shaǵymdanǵan.
Nátıjesende osy azamat otbasymen staıonarlyq baqylaýǵa alyndy. Búgin atalǵan azamattyń anasynan test analızi alynyp, oń nátıje kórsetildi.
Shuǵyl túrde, naýqastarmen qarym-qatynasta bolǵan 2 — medıına qyzmetkeri otbasylarymen jáne 5 potenıaldy qatynastaǵy azamattar oqshaýlanyp, juqpaly aýrýlar aýrýhanasyna jatqyzyldy.
Búgingi tańda, Nur-Sultan-Shymkent qalalary men Túrkistan oblysyndaǵy atalǵan azamatpen baılanysta bolǵan barlyq azamattar oqshaýlandyrylyp, birlesken sharalar uıymdastyrylýda.
Qazirgi tańda indettiń aldyn alý maqsatynda Shymkent qalasynda úzdiksiz jumystar júrgizilip keledi.
Qaýipsizdik sharalardyń negizgi baǵyttaryna toqtalyp ótsem:
BIRINShIDEN,
qalaǵa kiretin azamattardyń densaýlyǵyn tekserýden ótkizip, qaýipsizdikti qamtamasyz etý maqsatynda kireberis jol qaqpalarǵa 12 sanıtarlyq beketter qoıyldy.
Buǵan deıin, temirjol vokzaly men áýejaı da sanıtarlyq baqylaýǵa alynǵan.
EKINShIDEN,
qaladaǵy bazarlarda, saýda ortalyqtarynda, avtobýstarda, qoǵamdyq oryndarda jáne basqa da adamdar kóp shoǵyrlanatyn jerlerde dezınfekııalyq jumystar kúnine 2 ret júrgizilýde.
ÚShINShIDEN,
barlyq qoǵamdyq oryndarǵa betperdemen kirý mindetteldi.
Betperdemen qamtamasyz etý úshin jergilikti kásipkerlermen birge kúnine 100 myńnan astam medıınalyq betperdeler tigilip, qala aýmaǵyndaǵy dárihanalar men bazarlarǵa jetkizilýde.
Sonymen qatar, antıseptık ónimderin shyǵaratyn «ORDABASY» ındýstrıaldy aımaǵyndaǵy kásiporyn kúnine 4 tonna zalalsyzdandyrý ónimderin shyǵarýda.
TÓRTINShIDEN,
qaýipsizdik maqsatynda qala aýmaǵyndaǵy oqý oryndarynyń barlyǵy demalysqa shyǵyp, qashyqtan oqytý júıesimen jumys jasaýda. Al, 26 naýryzdan bastap balabaqshalardyń barlyǵy jumysyn toqtatatyn bolady.
Sonymen qatar, qaladaǵy toıhanalar, oıyn-saýyq oryndary tolyǵymen toqtatylyp, saýda ortalyqtary men meıramhanalardyń jumys ýaqyttary shekteldi.
BESINShIDEN,
Shymkent qalasy ákimdigi tarapynan Áleýmettik mańyzy bar taýarlardyń baǵasyn turaqty ustap turý boıynsha arnaıy shtab qurylyp, azyq-túliktiń baǵalaryna kúndelikti monıtorıng júrgizilýde.
Búgingi tańda ASA QAJETTI 19 AZYQ-TÚLIK túriniń baǵasyn turaqty ustap turý úshin 3 mlrd teńgege jýyq qarjy qaraldy.
ShYMKENTTE AZYQ-TÚLIK QORY JETKILIKTI. BAǴA BAQYLAÝDA. SONDYQTAN, ALAŃDAÝǴA, ESh NEGIZ JOQ.
ALTYNShYDAN,
15 naýryzdan bastap Shymkent qala aralyq avtobýstar vokzalylynan júretin halyqaralyq jáne 22 naýryzdan Nur-Sultan men Almaty baǵyttary shekteldi.
Búginnen bastap avtobeketterdiń jumysy tolyǵymen toqtatyldy.
Tótenshe jaǵdaı jarııalanýyna baılanysty búgingi kúnde qoǵamdyq kólikter baǵytynyń 25 paıyzy ýaqytsha qysqartyldy.
JETINShIDEN,
Qala aýmaǵynda koronavırýs ınfekııasynyń jappaı taralý qaýpi anyqtalǵan jaǵdaıda áreket etýdiń algorıtmi jasalynyp, aýrýlardy jatqyzatyn 170 oryndyq ınfekııalyq staıonar quryldy.
Budan basqa, 680 oryndyq provızorly jáne 1500-ge jýyq karantındik staıonar daıyndaldy.
Búgingi tańda, medıına qyzmetkerleri jumysyna qajetti qural-jabdyqtar men dáriler tolyǵymen jetkilikti.
Qajettilik bolǵan jaǵdaıda budan basqa da bekitilgen algorıtm boıynsha jumystar júrgiziletin bolady. Búgingi tańda qalany tolyq karantınge jabýǵa negiz joq. Másele meniń jeke baqylaýymda.
Qala turǵyndaryn aqparatpen qamtamasyz etý maqsatynda baılanys ortalyǵy quryldy.
Qazirgi tańda, qala turǵyndary Densaýlyq saqtaý mınıstrligi usynǵan profılaktıkalyq sharalardy qatań qoldanýymyz qajet.
Tótenshe jaǵdaıda árbir turǵynnyń qaýipsizdigi mańyzdy. Sondyqtan bárimiz arnaıy talaptardy saqtaýǵa mindettimiz.
Qurmetti jerlester!
Tótenshe jaǵdaı kezeńinde barlyq saqtyq sharalaryn qoldanyp, ózderińizdiń jáne jaqyndaryńyzdyń qaýipsizdigi úshin úılerińizde bolýdy suraımyn. Barlyq jaǵdaılarǵa túsinistikpen qaraýlaryńyzdy ótinemin.
Biz birgemiz! Sizdiń qaýipsizdigińiz, eldiń qaýipsizdigi! Osyny esten shyǵarmaýymyz kerek. Biz koronavırýstyń beleń alýyna jol bermeý maqsatynda barlyq kúsh-jigerimizdi salyp jumys jasaımyz.
El aman, jurt tynysh bolsyn! Bul qıyndyqtardy jeńetinimizge senemin.
Nazarlaryńyzǵa raqmet!
