Prezıdent Qasym-Jomart Toqaev 5 maýsymda ótken referendým týraly úndeý jasady, dep habarlaıdy “Adyrna” ulttyq portaly.
"Qurmetti otandastar! Keshe elimizde erekshe tarıhı máni bar oqıǵa boldy. Memleketimiz damýdyń jańa kezeńine qadam basty. Ata Zańymyzǵa usynylǵan ózgeristerdi azamattardyń basym kópshiligi qoldady. Referendým joǵary deńgeıde ótti. Muny halyqaralyq jáne otandyq baıqaýshylar da aıtyp jatyr. Konstıtýııalyq reformalar qoǵamda qyzý talqylandy. Daýys berý demokratııa talaptaryna saı ótti. Eshqandaı májbúrlik bolǵan joq. Referendým nátıjesi saıası jańǵyrýdyń anyq sımvolyna aınaldy. Azamattarymyz zor jaýapkershilik tanytty jáne otansúıgishtik qasıetin pash etti. Biz jańa, ádiletti Qazaqstandy qurý jolyndaǵy birligimiz bekem ekenin kórsettik.
Konstıtýııalyq túzetýler memlekettigimizdiń tuǵyrnamasyn túbegeıli ózgertedi. Búkil qoǵamnyń damýyna tyń serpin beredi. Referendýmǵa belsene qatysyp, qoldaý bildirgen barsha halqymyzǵa zor rızashylyǵymdy bildiremin. Sondaı-aq konstıtýııalyq ózgeristerdiń mán-maǵynasyn túsindirýge atsalysqan azamattarǵa túrli qoǵamdyq uıymdarǵa alǵys aıtamyn", - dedi Prezıdent úndeýinde.
“Adyrna” ulttyq portaly
