Mäjılıs töraǧasy Erlan Qoşanov "Qandy qaŋtarǧa" qatysty pıkır bıldırıp, erteŋ 5 qaŋtarda 10:00-de Mäjılıste Qaŋtar oqiǧasy boiynşa arnaiy tyŋdau ötetının habarlady, dep jazady "Adyrna" ūlttyq portaly.
«Qaŋtar oqiǧasyna» tura bır jyl tolyp otyr. Būl jaǧdai elımız üşın täuelsızdık jyldaryndaǧy eŋ auyr synaq boldy. Qaŋtardaǧy qaiǧyly oqiǧalardyŋ jarasy da, saldary da jeŋıl bolǧan joq. Sondyqtan, halqymyz da, qoǧam da ol turaly jan jaqty ärı aşyq aqparat alǧysy keledı. Memlekettıŋ özı soǧan müddelı. Sebebı, Prezident aitqandai, halyqtan jasyratyn eşteŋe bolmauy tiıs, qoǧam şyndyqqa köz jetkızuı kerek. Osy rette, Parlament Mäjılısı bolǧan oqiǧanyŋ män-jaiyn, tergep-tekseru barysyn ünemı baqylauda ūstap kele jatqanyn bılesızder. Ötken jyly memlekettık jäne qūqyq qorǧau organdarymen bırge aşyq talqylaular ötkızdık. Sol talqylaular barysynda bıraz mäselege naqty jauap berıldı. Degenmen, el arasynda Qaŋtarǧa qatysty älı de sūraqtar jetkılıktı. Ötken bır jyldyŋ ışınde qoǧamda türlı pıkırler, qily qauesetter taraumen boldy. Sondyqtan, osy bır jyldyŋ ışınde jürgızılgen tergeu amaldarynyŋ nätijelerın aşyq jariialau üşın, 2023 jylǧy 5 qaŋtarda Mäjılıs qabyrǧasynda arnaiy tyŋdau ötedı. Tyŋdauda Bas prokuror men qūqyq qorǧau organdary basşylary esep beredı. Qoǧam belsendılerı, BAQ ökılderı qatysady. Arnaiy otyrys respublikalyq «Habar 24» telearnasynda jäne Mäjılıstıŋ saitynda, äleumettık jelılerdegı resmi paraqşalarynda tıkelei efirde körsetıledı, - dep jazdy Erlan Qoşanov.
"Adyrna" ūlttyq portaly
Ūqsas jaŋalyqtar
