شىمكەنت قالاسىندا وتكەن تاۋلىكتە كوۆيد ينفەكتسياسىنا قارسى 2756 ادام ۆاكتسينا سالدىردى. بۇل وتە تومەن كورسەتكىش. كوۆيد-19 بويىنشا وتكەن شتاب وتىرىسىندا، قالامىزدا كۇنىنە كەمى 10 000 ادام ۆاكتسينالاۋدان ءوتىپ وتىرۋى كەرەك دەلىنگەن-ءدى. ال ەگۋ ناۋقانى باستالعالى بارلىعى 63097 ادام ۆاكتسيناتسيالاندى. ونىڭ ىشىندە 6795 ادام ۆاكتسينانىڭ ەكى كومپونەنتىن العان.
قالا اۋماعىندا سانيتارلىق-ەپيدەميولوگيالىق تالاپتاردىڭ ساقتالۋى تۇراقتى باقىلاۋدا. 18 ءساۋىر كۇنى 411 نىسانعا (403 كاسىپكەرلىك، 8 جەكە نىسان) تەكسەرۋ جۇمىستارى جۇرگىزىلدى. ونىڭ ىشىندە 7 نىساندا كارانتين رەجيمىنىڭ تالاپتارى بۇزىلعاندىعى انىقتالىپ، اكىمشىلىك حاتتامالار تولتىرىلدى.
سونىمەن قاتار، وتكەن تاۋلىكتە كۆي-ءدىڭ 114 جاعدايى تىركەلدى (بەلگىلەرى بار - 69, بەلگىلەرى جوق - 45). 38 ادام ينفەكتسيالىق ستاتسيونارعا جاتقىزىلىپ، 76 ادام ءۇي باقىلاۋىنا الىندى.
قازىرگى تاڭدا مامانداندىرىلعان ينفەكتسيالىق ستاتسيونارلاردا بارلىعى 1010 ورىن بار (قالالىق ينفەكتسيالىق ورتالىق – 490, اتامەكەن كلينيكاسى – 450, ورىنباي گبوو – 70 ورىن), توسەك-ورىن تولىمدىعى – 45%، 551 توسەك-ورىن بوس. ينفەكتسيالىق ستاتسيوناردا 459 ناۋقاس ەمدەلۋدە (كۆي-284, پنەۆمونيا-163, جرۆي-12).
قالا تۇرعىندارىن بەتپەردەلىك رەجيمدى ساقتاپ، ءوز دەنساۋلىقتارىنا جاۋاپكەرشىلىكپەن قاراۋعا شاقىرامىز. ىندەتتى جەڭۋدىڭ بىردەن-ءبىر جولى – ۆاكتسينا ەگۋ ەكەنىن ايتا كەتەيىك.
شىمكەنت قالاسى اكىمدىگىنىڭ ءباسپاسوز قىزمەتى
