Şymkent qalasynda ötken täulıkte kovid infeksiiasyna qarsy 2756 adam vaksina saldyrdy. Būl öte tömen körsetkış. Kovid-19 boiynşa ötken ştab otyrysynda, qalamyzda künıne kemı 10 000 adam vaksinalaudan ötıp otyruy kerek delıngen-dı. Al egu nauqany bastalǧaly barlyǧy 63097 adam vaksinasiialandy. Onyŋ ışınde 6795 adam vaksinanyŋ ekı komponentın alǧan.
Qala aumaǧynda sanitarlyq-epidemiologiialyq talaptardyŋ saqtaluy tūraqty baqylauda. 18 säuır künı 411 nysanǧa (403 käsıpkerlık, 8 jeke nysan) tekseru jūmystary jürgızıldı. Onyŋ ışınde 7 nysanda karantin rejimınıŋ talaptary būzylǧandyǧy anyqtalyp, äkımşılık hattamalar toltyryldy.
Sonymen qatar, ötken täulıkte KVİ-dıŋ 114 jaǧdaiy tırkeldı (belgılerı bar - 69, belgılerı joq - 45). 38 adam infeksiialyq stasionarǧa jatqyzylyp, 76 adam üi baqylauyna alyndy.
Qazırgı taŋda mamandandyrylǧan infeksiialyq stasionarlarda barlyǧy 1010 oryn bar (qalalyq infeksiialyq ortalyq – 490, Atameken klinikasy – 450, Orynbai GBOO – 70 oryn), tösek-oryn tolymdyǧy – 45%, 551 tösek-oryn bos. İnfeksiialyq stasionarda 459 nauqas emdelude (KVİ-284, pnevmoniia-163, JRVİ-12).
Qala tūrǧyndaryn betperdelık rejimdı saqtap, öz densaulyqtaryna jauapkerşılıkpen qarauǧa şaqyramyz. Indettı jeŋudıŋ bırden-bır joly – vaksina egu ekenın aita keteiık.
Şymkent qalasy äkımdıgınıŋ baspasöz qyzmetı
