بۇگىن، 13 مامىر كۇنى مەملەكەت باسشىسى قاسىم-جومارت توقاەۆ قىرعىزستان پرەزيدەنتى سادىر جاپاروۆپەن تەلەفون ارقىلى سويلەستى، دەپ حابارلايدى «ادىرنا» ۇلتتىق پورتالى.
تەلەفون ارقىلى اڭگىمەلەسۋ بارىسىندا ەكى ەلدىڭ پرەزيدەنتتەرى ءبىر-ءبىرىن ورازا ايت مەيرامىمەن قۇتتىقتادى.
مەملەكەت باسشىلارى قازاق-قىرعىز ستراتەگيالىق سەرىكتەستىگىن دامىتۋدىڭ وزەكتى ماسەلەلەرىن تالقىلادى. سادىر جاپاروۆتىڭ بيىلعى 2-3 ناۋرىز كۇندەرى قازاقستانعا جاساعان مەملەكەتتىك ساپارىنىڭ قورىتىندىسى بويىنشا قول جەتكىزىلگەن ۋاعدالاستىقتاردىڭ ورىندالۋىنا ەرەكشە نازار اۋدارىلدى.
سونىمەن قاتار سادىر جاپاروۆ گۋمانيتارلىق كومەك كورسەتكەنى ءۇشىن قاسىم-جومارت توقاەۆقا العىس ءبىلدىردى.
"ادىرنا" ۇلتتىق پورتالى