تۇركيا پرەزيدەنتى رەجەپ تايىپ ەردوعان ەۋروپانىڭ ميلليونداعان مۇسىلماندار ءۇشىن تۇرمەگە اينالعانىن مالىمدەدى، دەپ حابارلايدى «ادىرنا» ۇلتتىق پورتالى.
«يسلاموفوبيا ۆيرۋسى كوروناۆيرۋس سياقتى قاۋىپتى. بۇل تەز تارالاتىن ۆيرۋس اسىرەسە، ەۋروپا ەلدەرىندە تەز تارالىپ جاتىر. ەۋروپاداعى بۇل جاعداي الاڭداۋشىلىق تۋدىرۋدا. اسىرەسە سوندا ءومىر ءسۇرىپ جاتقان مۇسىلماندار ءۇشىن قاۋىپكە اينالدى»، - دەدى رەدجەپ تايىپ ەردوعان انكارادا قۇران وقۋ جارىسى كەزىندە سويلەگەن سوزىندە.«تۇركيا سوڭعى جىلدارى ەۋروپاداعى يسلاموفوبيانىڭ ءوسىمى تۋرالى ەسكەرتىپ ءجۇر. سونىمەن قاتار مۇسىلماندارعا قاتىستى زورلىق-زومبىلىق پەن كەمسىتۋشىلىك جاعدايلارىن، يسلاموفوبيالىق ساياساتكەرلەر مەن پارتيالاردىڭ ىقپالىنىڭ كۇشەيۋىن ايىپتادى» دەپ جازدى Yeni Şafak گازەتى.
"ادىرنا" ۇلتتىق پورتالى
