اقتوبە وبلىسىنىڭ ەكونوميكالىق سوتى «پاريجسكايا كوممۋنا-XXI» جشس-نا 7 027 459 824 تەڭگە كولەمىندە ەكونوميكالىق زالالدى وتەۋدى مىندەتتەدى دەپ حابارلايدى «ادىرنا» ۇلتتىق پورتالى اقتوبە وبلىسىنىڭ ەكونوميكالىق سوتىنىڭ ءباسپاسوز قىزمەتىنە سىلتەمە جاساپ.
ناقتىراق ايتساق، اتالعان شوشقا فەرماسى مال سويۋ تسەحىنداعى جانۋارلاردىڭ قالدىقتارىن، قۇرىلىس قالدىقتارىن جانە تۇرمىستىق قاتتى قالدىقتاردى كوڭدى ارالاستىرۋ ارقىلى ءىشىنارا كاسىپورىن اۋماعىنا (بۋفەرلىك ايماققا) كومگەن. جۇرگىزىلگەن ەسەپكە سايكەس، قورشاعان ورتاعا رۇقساتسىز قالدىقتاردى ورنالاستىرۋ (كومۋ) ارقىلى كەلتىرىلگەن زالال مولشەرى — 63 085 046 تەڭگە.
«پاريجسكايا كوممۋنا-ءححى» جشس قورشاعان ورتاعا ەميسسيالارعا رۇقسات الماي، 2018-2019 جىلدارى اعىندى سۋلاردى شىعارعان. كەلتىرىلگەن زالالدىڭ جالپى مولشەرى 2 500 624 730 تەڭگەنى قۇراعان. سونداي-اق تازارتىلماعان وندىرىستىك اعىن سۋلاردى توگىپ، سونىڭ سالدارىنان جەر ۋچاسكەلەرى لاستانعان. لاستانعان جەر ۋچاسكەسىنىڭ اۋدانى — 26 089 شارشى مەتر. كەلتىرىلگەن زالال مولشەرى — 4 334 275 231 تەڭگە.
وسىلايشا اتالعان كاسىپورىن ەكولوگيالىق زاڭنامانىڭ تالاپتارىن بۇزعان.
سوت شەشىمىمەن ەكولوگيا دەپارتامەنتىنىڭ تالاپ ارىزى قاناعاتتاندىرىلىپ، ناتيجەسىندە «پاريجسكايا كوممۋنا-ءححى» جشس 7 027 459 824 تەڭگە كولەمىندە ايىپپۇل تولەيتىن بولدى. 210 823 795 تەڭگە مەملەكەتتىك باج ءوندىرىلدى. سوت شەشىمى زاڭدى كۇشىنە ەنگەن جوق.
