الەمدەگى جاساندى ينتەللەكەت تەحنولوگياسى قارىشتاپ دامىعان سايىن ادامداردىڭ ساناسىندا دا، رۋحىندا دا السىزدىك پەن توقىراۋشىلىق ارتىپ بارا جاتىر دەپ الاڭداپ وتىر عالىمدار. بۇل راسىندا شىندىق.
ءبارىمىزدى الەۋمەتتىك جەلى مەن تەحنولوگياعا بايلاپ، تابيعي ارنادان جاساندى ارناعا توعىتىپ جاتقانى اقيقات. ال، الەمنىڭ نوبەل سىيلىعىن العان عالىمدارى دا وسىعان الاڭداپ، بولاشاقتا روبوتتار الەمدى باسقارىپ كەتۋى مۇمكىن دەپ وتىر. وسىدان ءبىراز ۋاقىت بۇرىن عانا عالىمدار جاپونيانى 2050 جىلى روبوتتار تولىق باسقارۋىنا الادى دەپ مالىمدەگەن.
ءتۇبى يزرايلدىك، امەريكالىق پسيحولوگ، نوبەل سىيلىعىنىڭ لاۋرەاتى دانيەل كانەمان جاساندى ينتەللەكت الداعى از عانا مەرزىمدە ادام بالاسىن جەڭىپ، وزىنە باعىندىرادى دەپ بولجاپ وتىر. ادامداردىڭ روبوتوتەحنيكالار مەن اۆتوماتتاندىرىلعان الەمگە قارسى كۇرەسى حاوس تۋدىرىپ، ۇلكەن اۋىرتپالىقتارعا الىپ كەلۋى مۇمكىن دەپ وتىر.
دانيەل كانەمان بۇل ۇردىستەردىڭ الداعى ۋاقىتتا كوپ ۇزاماي-اق ىسكە اساتىنىنا تولىق سەنىمدى. پاندەميانىڭ ءوزى ادامزات بالاسىنىڭ قانداي دا ءبىر عالامدىق توسقاۋىلدارعا قارسى تۇرۋعا قاۋقارسىز ەكەنىن كورسەتتى. ادامزاتتىڭ ساناسى ۆيرۋستان سوققان حاوسقا جاۋاپ بەرە الماي قالدى.
ال، قارىشتاپ دامىپ جاتقان كومپيۋتەرلەندىرىلگەن الەمنىڭ الداعى ۋاقىتتاعى حاوسى مەن زاردابى ۆيرۋستان دا جوعارى بولۋى مۇمكىن دەپ وتىر نوبەل سىيلىعىنىڭ يەگەرى.
بەكبولات قارجان،
"ادىرنا" ۇلتتىق پورتالى
