دۇنيەجۇزىلىك دەنساۋلىق ساقتاۋ ۇيىمى الدىن-الا مالىمەتتەر بويىنشا 2020 جىلدىڭ اياعىندا كوروناۆيرۋستان قايتىس بولعانداردىڭ سانى كەم دەگەندە 3 ميلليون ادامدى قۇراعانىن ايتتى، دەپ حابارلايدى «ادىرنا» ءتىلشىسى CentralAsia-عا سىلتەمە جاساپ.
ساراپشىلار ءولىمنىڭ ناقتى كورسەتكىشتەرى رەسمي مالىمەتتەرگە قاراعاندا ەكى-ءۇش ەسە جوعارى بولۋى مۇمكىن دەگەن تۇجىرىمداماعا كەلگەن.
سونداي-اق، باياندامادا كوروناۆيرۋستىق پاندەميا بۇكىل الەمدەگى ادامداردىڭ دەنساۋلىعى مەن ءال-اۋقاتىنا ءالى كۇنگە دەيىن قاۋىپ ءتوندىرىپ جاتقانى تۋرالى ايتىلعان. ددۇ كەيبىر ەلدەردىڭ ءولىم سانىن جۇيەلى جانە ءدال باعالاي المايتىندىعىن اتاپ ءوتتى.
ايتا كەتەيىك، ۇيىم ستاتيستيكانى نەعۇرلىم دايەكتى ەتۋ ءۇشىن Covid-19-دان، ونىڭ ىشىندە جاناما ينفەكتسيامەن بايلانىستى ءولىم-ءجىتىمدى باعالاۋدىڭ جالپى ادىستەرىن جاسايتىن ارنايى كەڭەسشىلەر توبىن قۇرعان بولاتىن. توپقا الەمنىڭ ءارتۇرلى ەلدەرىنەن جەتەكشى دەموگرافتار، ەپيدەميولوگتار جانە ستاتيستيكا ماماندارى كىردى.
ساراپشىلار ايماقتىق ەرەكشەلىكتەردى ەسكەرە وتىرىپ، ءار ەل ءۇشىن ساناۋ مودەلىن جاسادى. وسىلايشا ءولىم-ءجىتىمنىڭ سانى ناقتى ەسەپتەلمەگەنىن انىقتادى.
«ادىرنا» ۇلتتىق پورتالى