جاپوندىق "داي-حاتي حوككو-مارۋ" بالىق اۋلاۋ كەمەسى مومبەتسۋ قالاسىنىڭ ماڭىندا رەسەيلىك "امۋرمەن" سوقتىعىستى. بۇل تۋرالى رەسەي فەدەراتسياسىنىڭ توكيوداعى ەلشىلىگى جاپونيانىڭ بالىق اۋلاۋ باسقارماسىنا سىلتەمە جاساپ حابارلادى.
وقيعا سالدارىنان ءۇش جاپوندىق بالىقشى قايتىس بولعان.
"قازا بولعانداردىڭ تۋىستارى مەن جاقىندارىنا كوڭىل ايتامىز. ءبىز جاپون تاراپىمەن ۇنەمى بايلانىستا بولامىز، وقيعانىڭ بارلىق ءمان-جايلارىن ناقتىلايمىز»،– دەدى رەسەي ەلشىلىگى.
جاپوندىق بالىق اۋلاۋ كەمەسىمەن سوقتىعىسقان رەسەيلىك "امۋر" كەمەسىنىڭ ساحالين بالىق اۋلاۋ كومپانياسىنا تيەسىلى ەكەنى انىقتالدى. "ينتەرفاكس" مالىمەتتەرى بويىنشا، بورتتا 24 ادام بولعان. ولاردىڭ بارلىعى — رەسەي فەدەراتسياسىنىڭ ازاماتتارى. كاپيتان زارداپ شەككەندەردىڭ جوق ەكەنىن ايتتى.
«ادىرنا» ۇلتتىق پورتالى
