ءۇندىستاندا جاس جۇبايلار ۇيلەنۋ تويىن اۋەدە وتكىزگەن دەپ حابارلايدى "ادىرنا" ۇلتتىق پورتالى 24.kz-كە سىلتەمە جاساپ.
جاس جۇبايلار كوروناۆيرۋس ينفەكتسياسىنىڭ كەسىرىنەن ۇيلەنۋ تويىن جەردە وتكىزە الماعان. بىراق شەكتەۋلەردى اينالىپ ءوتۋدىڭ امالىن تاپقان. ەكى جاس نەكەسىن ۇشاقتىڭ ىشىندە قيدىرعان. ولار تويعا ارنايى ۇشاق جالداعان.
نەكە قيۋ راسىمىنە 160-تان اسا قوناق قاتىسقان. ۇشاقتا وتكەن تويدا بەتپەردە تاعۋ، ارا قاشىقتىقتى ساقتاۋ سياقتى ساقتىق شارالارى ساقتالماعان.
وقيعانىڭ جاي-جاپسارىن قازىر ءۇندىستاننىڭ اۆياتسيا باسقارماسى تەكسەرىپ جاتىر.
اۋە كومپانياسىنىڭ سول كۇنى كەزەكشىلىك ەتكەن قىزمەتكەرلەرى جۇمىسىنان ۋاقىتشا شەتتەتىلدى.
ايتا كەتۋ كەرەك، ءۇندىستاندا قازىر ەپيدەميولوگيالىق جاعداي وتە كۇردەلى. وسىعان بايلانىستى بۇل ەلدىڭ بيلىگى كوپشىلىك ورىنداردا 50-دەن ارتىق ادام جينالماۋ كەرەكتىگىن ەسكەرتىپ، تىيىم سالعان.
"ادىرنا" ۇلتتىق پورتالى.
