قر بعم ۇلتتىق تەستىلەۋ ورتالىعىنىڭ ديرەكتورى ديدار سماعۇلوۆ قىزمەتىنەن كەتتى، دەپ حابارلايدى «ادىرنا» ءتىلشىسى. بۇل تۋرالى ول Facebook جەلىسىندەگى پاراقشاسىندا جازدى.
«دوستار، مەن ءبىلىم جانە عىلىم مينيسترلىگىنىڭ ۇلتتىق تەستىلەۋ ورتالىعىنىڭ ديرەكتورى قىزمەتىنەن ءوز ەركىممەن كەتۋ تۋرالى شەشىم قابىلدادىم. 7 جىل بويى مەملەكەتتىك قىزمەتتە ەڭبەك ەتتىم. ەندى ءوزىمدى باسقا سالادا سىناپ كورەتىن كەز كەلدى.
دوستار، ماعان ۇنەمى قولداۋ كورسەتكەندەرىڭىزگە العىسىم شەكسىز. وسىنىڭ ارقاسىندا كوپ جۇمىس اتقارىلدى. سونداي-اق، ەلىمىزدىڭ ءبىلىم جانە عىلىم مينيسترىنە دە العىس ايتقىم كەلەدى. ماعان قاتىستى ايتىلعان قانشاما سىنعا قاراماستان بۇل قىزمەتتە ماعان سەنىم ارتا ءبىلدى. حالىققا ادال قىزمەت ەتۋ ءۇشىن جانە سىزدەردىڭ سەنىمدەرىڭىزدى اقتاۋ ءۇشىن مەن ءوزىمنىڭ بار جيعان ءبىلىمىم مەن قابىلەتىمدى وسى ورتالىقتىڭ وركەندەۋىنە باعىتتاۋعا تىرىستىم. وسى سالادا ۇسىنىلىپ جاتقان باسقا دا باسشىلىق لاۋازىمدار ءۇشىن ريزاشىلىعىمدى بىلدىرەم. الايدا ماعان قىزمەت سالاسىن ءسال وزگەرتۋ قاجەت دەپ شەشتىم. ۇبت-مەن قوش ايتىسپايمىز.
الداعى ۋاقىتتا قىزمەتىمدى ءمينيستردىڭ سىبايلاس جەمقورلىققا قارسى ءىس-قيمىل ماسەلەلەرى جونىندەگى شتاتتان تىس كەڭەسشىسى رەتىندە جالعاستىرماقپىن (قانداي دا ءبىر تولەمسىز)", - دەدى سماعۇلوۆ.
«ادىرنا» ۇلتتىق پورتالى
