QR BǴM Ulttyq testileý ortalyǵynyń dırektory Dıdar Smaǵulov qyzmetinen ketti, dep habarlaıdy «Adyrna» tilshisi. Bul týraly ol Facebook jelisindegi paraqshasynda jazdy.
«Dostar, men Bilim jáne ǵylym mınıstrliginiń Ulttyq testileý ortalyǵynyń dırektory qyzmetinen óz erkimmen ketý týraly sheshim qabyldadym. 7 jyl boıy memlekettik qyzmette eńbek ettim. Endi ózimdi basqa salada synap kóretin kez keldi.
Dostar, maǵan únemi qoldaý kórsetkenderińizge alǵysym sheksiz. Osynyń arqasynda kóp jumys atqaryldy. Sondaı-aq, elimizdiń Bilim jáne ǵylym mınıstrine de alǵys aıtqym keledi. Maǵan qatysty aıtylǵan qanshama synǵa qaramastan bul qyzmette maǵan senim arta bildi. Halyqqa adal qyzmet etý úshin jáne sizderdiń senimderińizdi aqtaý úshin men ózimniń bar jıǵan bilimim men qabiletimdi osy ortalyqtyń órkendeýine baǵyttaýǵa tyrystym. Osy salada usynylyp jatqan basqa da basshylyq laýazymdar úshin rızashylyǵymdy bildirem. Alaıda maǵan qyzmet salasyn sál ózgertý qajet dep sheshtim. UBT-men qosh aıtyspaımyz.
Aldaǵy ýaqytta qyzmetimdi mınıstrdiń sybaılas jemqorlyqqa qarsy is-qımyl máseleleri jónindegi shtattan tys keńesshisi retinde jalǵastyrmaqpyn (qandaı da bir tólemsiz)", - dedi Smaǵulov.
«Adyrna» ulttyq portaly
