تۇركىستاندا ايەل ءبىر جاسار بالاسىن 7 ملن تەڭگەگە ساتپاقشى بولعان جەرىندە ۇستالدى، دەپ حابارلايدى «ادىرنا» ۇلتتىق پورتالى Orda.kz سايتىنا سىلتەمە جاساپ.
تۇركىستان قالالىق پروكۋراتۋرانىڭ مالىمەتىنشە، 27 جاستاعى انا قازىرگى تاڭدا قاماۋعا الىنعان. قازىر تەرگەۋ امالدارى جۇرگىزىلىپ جاتىر.
«وسى ماتەريال بويىنشا سول كۇنى تۇركىستان قالالىق پوليتسيا باسقارماسى قىلمىستىق كودەكستىڭ 135-بابى بويىنشا سوتقا دەيىنگى تەرگەپ تەكسەرۋ امالدارىن باستادى. 1994 جىلى تۋعان كۇدىكتى ايەل ءوزىنىڭ 2020 جىلى تۋعان بالاسىن ساتۋ جانە 7 ملن تەڭگە كولەمىندە اقشا الۋ كەزىندە قولعا ءتۇستى»، – دەلىنگەن حابارلامادا.
"ادىرنا" ۇلتتىق پورتالى
