ورتالىق ازيا ەلدەرىنىڭ ىشىندە قىتايمەن ەكونوميكالىق بايلانىسىن قارقىندى تۇردە ارتتىرىپ جاتقان تاجىكستاننىڭ بۇگىندە كەلبەتى ۇلكەن وزگەرىسكە ۇشىراۋدا. تاۋلى ايماقتاعى التىن كەن ورىندارىنىڭ تەڭ جارتىسى بەيجىڭگە كەلىسىم بويىنشا بەرىلگەن.
«زارافشون»، «تارور»، «دجيلاۋ»، «حيرسحونا» مەن «وليمپيسكوە»، «پاكرۋت» كەن ورىندارى قىتايدىڭ قولىنا وتكەن. تاجىكستاندا Zijin Mining Group Co. Ltd, China Nonferrous Gold Limited پەن تۆەا اتتى ءۇش كومپانيا التىن كەنىشتەرىن بۇرعىلاۋمەن، پايدالى قازبانى قىتايعا جىبەرۋمەن اينالىسىپ جاتقانىنا بىرنەشە جىلدىڭ ءجۇزى بولدى.
سونىمەن قاتار، قىتاي تاراپى وزگە دە كەنىشتەردى يەمدەنىپ، ءتۇرلى قۇرىلىس جۇمىستارىن جۇرگىزىپ جاتىر. بۇنىڭ بارلىعى تاجىكستاندا قىتايلاردىڭ كوبەيۋىنە اسەر ەتىپ، قالالار مەن اۋدانداردا قىتاي مەيرامحانالارى، ەمحانالار مەن ساۋدا ورىندارى، ءتىپتى تۇتاستاي بازارلار سالىنۋدا.
تاجىكستاندا قانشا قىتاي ۇلتىنىڭ بارى بەلگىسىز. 2018 جىلى 5486 قىتاي ازاماتىنا رەسمي قىزمەت ەتۋگە رۇقسات بەرىلگەن دەرەكتى مەملەكەتتىك باق وكىلدەرى تاراتقانىمەن، بەيرەسمي قىتايلىقتاردىڭ سانى 130-140 مىڭ ادامدى قۇرايدى دەيدى دەموگرافتار. ونى كۇندەلىكتى كۇيبەڭ تىرلىك بارىسىنان اق اڭعارۋ قيىن ەمەس سياقتى.
تاجىك استاناسى دۋشانبەدە ارنايى قىتاي ازاماتتارىنا ارنالعان ەمحانا اشىلعان. ونىڭ بىردەن ءبىر سەبەبى جەرگىلىكتى ەمحانا قىزمەتكەرلەرى قىتاي ءتىلىن بىلمەيدى، سايكەسىنشە اۋىرعان قىتايلىقتاردى ەمدەي المايدى. بۇگىندە تاجىكستاندا قىتاي جازۋلارىمەن اتالاتىن مەكەمەلەر وتە كوپ.
"ادىرنا" ۇلتتىق پورتالى
