يەمەندىك حۋسيتتەر نەمەسە رەسمي تۇردە "انسار اللاح" توبى ەل ايماعىنداعى ساۋد ارابياسىنىڭ اسكەري كۇشتەرىنە سوققى جاساپ، قارسى شابۋىلعا شىقتى. بۇل تۋرالى باتىستىق باق-تار جازۋدا. ساۋديالىق كۇشتەرگە قارسى شابۋىل بارىسىندا حۋسيتتەر ايتارلىقتاي جەتىستىككە جەتكەن.
دجيزان ايماعىنداعى ۇرىستىڭ ۆيدەوسىن حۋسيتتەر ارنايى جاريالادى. ۇرىستى ولار ارنايى دروندار ارقىلى دا تۇسىرگەن. ۇرىس بارىسى تۇسىرىلگەن ۆيدەولار مەن ونىڭ سكرينشوتتارى الەۋمەتتىك جەلىدە كەڭىنەن تارالىپ جاتىر. قارىمتا سوققى جاساۋ نەگىزىندە حۋسيتتەر يەمەننىڭ 150 شارشى شاقىرىمىن ساۋد ارابياسىنىڭ اسكەرىنەن ازات ەتكەن. 40-تان استام اسكەري بەكەتتەردى باسىپ الىپ، 60 اسكەري تەحنيكانىڭ كوزىن جويعان. ساۋد ارابياسىنىڭ كۇشتەرى 200-دەن استام ساربازىنان ايىرىلعان.
يەمەندەگى ازامات سوعىسى 2014 جىلى باستالىپ، ءالى جالعاسىپ جاتىر. ساۋد ارابياسى باستاعان 10 ەلدىڭ كواليتسياسى يەمەندەگى حۋسيتتەرگە قارسى وپەراتسيا باستاعانىمەن ايتارلىقتاي جەتىستىككە جەتپەدى. سوڭعى ۋاقىتتا حۋسيتتەر ساۋد ارابياسىنا قارىمتا سوققى جاساپ، مۇناي ورىندارى مەن اسكەري نىساندارىنا زىمىران جانە دروندارمەن سوققى جاساۋدا.
"ادىرنا" ۇلتتىق پورتالى
