قازاقستاننىڭ بۇرىنعى دەنساۋلىق ساقتاۋ ءمينيسترى ەلجان ءبىرتانوۆتىڭ ادۆوكاتى دميتري كۋرياچەنكو سوتتان قازاقستان پرەزيدەنتى قاسىم-جومارت توقاەۆتى ىسكە كۋاگەر رەتىندە شاقىرتۋدى سۇرادى، دەپ حابارلايدى «ادىرنا» ۇلتتىق پورتالى Sputnik قازاقستان سايتىنا سىلتەمە جاساپ.
«قازاقستاندا تەرگەۋ ورگاندارى الەمگە تانىمال Ericsson Nikola Tesla كومپانياسى جۇمىس ىستەمەيتىن 17 ميلليون تەڭگەنىڭ پلاتفورماسىن جەتكىزدى دەپ سانايدى. الايدا تەرگەۋ ونى ءوزى بۇعاتتاپ تاستادى. وسىنى راستاۋ ءۇشىن، قۇرمەتتى سوت، ەل پرەزيدەنتى قاسىم-جومارت توقاەۆتى كۋاگەر رەتىندە شاقىرتۋدى سۇرايمىن. ول راستاپ قانا قويماي، تىكەلەي وزىنە باعىناتىن تەرگەۋ ورگانى - قارجىلىق مونيتورينگ اگەنتتىگىنىڭ وتىرىگىنە كۋا بولا الادى»، – دەدى ادۆوكات.
بۇگىن نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى بۇرىنعى دەنساۋلىق ساقتاۋ ءمينيسترى ەلجان ءبىرتانوۆتىڭ ءۇي قاماققا الۋ مەرزىمىن ۇزارتۋ تۋرالى ماسەلەسىن قاراستىردى.
"ادىرنا" ۇلتتىق پورتالى
