فلوريدا شتاتىندا 56 جاستاعى امەريكالىق ايەل كوپتەن كۇتكەن ۇيلەنۋ تويىنان ەكى كۇن وتكەن سوڭ جاڭا كۇيەۋىنىڭ بۇرىنعى ايەلىنە بۇيرەگىن سىيعا تارتتى دەپ حابارلايدى "ادىرنا" ۇلتتىق پورتالى "Independent" باسىلىمىنا سىلتەمە جاساپ.
59 جاستاعى مايلەن مەرتە ۇزاق ۋاقىت بويى بۇيرەك اۋرۋىمەن كۇرەسكەن. 2020 جىلدىڭ كۇزىندە اۋرۋحاناعا تۇسكەن كەزدە بۇيرەگىنىڭ تەك 8 پايىزى جۇمىس ىستەگەن. ناۋقاسقا دونور قاجەت بولدى، بىراق ءىنىسىنىڭ بۇيرەگى ترانسپلانتاتسياعا سايكەس كەلمەدى. وسى كەزدە ونىڭ بۇرىنعى كۇيەۋىنىڭ قالىڭدىعى دەببي نيل-ستريكلاند دونور بولۋعا ۇسىنىس ءبىلدىردى.
نيل-ستريكلەند مەرتەنىڭ جاقىندا اجە اتاناتىنىن ءبىلدى. ايەل مەرتەنىڭ ءومىرىنىڭ وسىنداي ماڭىزدى ساتىندە قىزىنىڭ جانىندا بولمايتىنىن ەلەستەتكەن كەزدە بىردەن بۇيرەگىن سىيعا تارتۋعا شەشىم قابىلداعان.
دەببي كوپتەگەن سىناقتاردان ءوتتى، ناتيجەسىندە ترانسپلانتاتسيا جوسپارلانعان ۇيلەنۋ تويىنان ەكى كۇن وتكەن سوڭ بولاتىنى بەلگىلى. قالىڭدىق تويدى كەيىنگە قالدىرعىسى كەلدى، بىراق دوستارى ونى رايىنان قايتاردى. ويتكەنى جۇپ سوڭعى 10 جىل بويى ءارتۇرلى سەبەپتەرمەن ۇيلەنۋ تويىن بىرنەشە رەت كەيىنگە قالدىرعان.
ناتيجەسىندە وپەراتسيا ءساتتى وتكەن. قازىر ايەلدەر ءبىر-ءبىرىن اپالى-ءسىڭلى سانايدى.
"ادىرنا" ۇلتتىق پورتالى.
