دەنساۋلىق ساقتاۋ ءمينيسترى الەكسەي تسوي ەلدەگى ەپيدەميولوگيالىق جاعداي تۇراقتانىپ كەلە جاتقانىن مالىمدەدى، دەپ حابارلايدى “ادىرنا” ۇلتتىق پورتالى Sputnik قازاقستان سايتىنا سىلتەمە جاساپ.
"رەسپۋبليكا بويىنشا اۋرۋشاڭدىق تومەندەپ كەلەدى. وتكەن اپتامەن سالىستىرعاندا سوڭعى جۇمادا ىندەتكە شالدىققاندار سانى 11 مىڭنان 8 مىڭعا دەيىن ازايدى. مامىردان باستاپ ۆيرۋس جۇقتىرۋ دەڭگەيى 2,1 ەسەگە تومەندەدى", – دەدى ول ۇكىمەت وتىرىسىندا.
ايتۋىنشا، سوڭعى ايدا ەمدەۋدە جاتقان ناۋقاستار سانى 20 مىڭعا نەمەسە 2 ەسەگە ازايعان.
"وڭىرلەردە كوروناۆيرۋس جۇقتىرعاندار ءۇشىن قوسىمشا اشىلعان اۋرۋحانالار سانى بىرتىندەپ ازايا باستادى. ماسەلەن، نۇر-سۇلتاندا 330 توسەك-ورىندىق 4 ستاتسيونار، الماتىدا شامامەن 2 000 توسەك-ورىندىق 11 ستاتسيونار جابىلدى", – دەدى ول.
سوڭعى ايدا ينفەكتسيالىق جانە رەانيماتسيالىق بولىمدەردە ناۋقاستار سانى تيىسىنشە 1,9 جانە 1,5 ەسەگە ازايعان.
