استرونوم عالىمدار عارىشتاعى ەڭ قۋاتتى ساۋلەلەنۋدى تاپتى

3105
Adyrna.kz Telegram
عالىمدار ەڭ كۇشتى گامما-ساۋلەلەنۋدى (GRB) تاپتى. وسى جولعى زەرتتەۋلەردىڭ ناتيجەسى گامما ساۋلەلەنۋلەردىڭ پايدا بولۋى جايىنداعى كوزقاراستار مەن يدەيالاردى وزگەرتىپ جىبەردى. بۇل تۋرالى Science جۋرنالىندا حابارلادى.
GRB 190829a ساۋلەلەنۋى ەريدان شوقجۇلدىزدار توپتارىندا Fermi جانە Swift عارىشتىق وبسەرۆاتوريالارىنىڭ كومەگىمەن تىركەلدى. مامانداردىڭ ايتۋىنشا GRB ساۋلەلەنۋ پروتسەسى شامامەن 20 ميلليارد جارىق جىلى قاشىقتىقتا تۇراتىنى  انىقتالعان،
استرونومدار GRB ساۋلەلەنۋ پروتسەسىن ناميبياداعى H. E. S. S. انىقتاۋدا تەلەسكوپتار كەشەنىن دە پايدالانعان. بۇل وبسەرۆاتوريا جوعارى ەنەرگيالى فوتوندار ارقىلى جەردىڭ اتموسفەراسىنا تۇسكەن بولشەكتەردىڭ جابىندىلارىنا دەيىن تىركەيدى.
باقىلاۋلار مەن زەرتتەۋلەر سونىمەن قاتار رەنتگەن مەن گامما ساۋلەلەنۋىنىڭ ۇقساستىعىن تاپتى. تەوريالار ساۋلەلەنۋدىڭ ەكى كومپونەنتىن دە جەكەلەنگەن عارىشتىق مەحانيزمدەر جاسايدى دەپ بولجايدى. سوندىقتان گامما-ساۋلەلەنۋ پروتسەستەرى ەلەكترونداردىڭ فوتوندارمەن سوقتىعىسۋىنان پايدا بولادى ءارى ولاردىڭ ەنەرگياسىن ارتتىرادى دەگەن شەشىمگە كەلدى.
بىراق GRB 190829a ساۋلەلەنۋىنەن كەيىنگى باقىلاۋلار رەنتگەن جانە گامما ساۋلەلەرى سينحروندى تۇردە جوعالىپ كەتكەنىن دە انىقتادى. رەنتگەن جانە گامما-ساۋلەلەرى عارىشتا عىلىمعا بەلگىسىز پروتسەستەردىڭ ناتيجەسىندە پايدا بولعان دەپ جاتىر.
 
بەكبولات قارجان،
"ادىرنا" ۇلتتىق پورتالى
پىكىرلەر