جەلىدە قىتاي مەكتەبىندەگى سوڭعى قازاق سىنىبى تۇلەكتەرىنىڭ ۆيدەوسى تارادى. Facebook قولدانۋشىسى ەرقانات تۇرسىنجانۇلىنىڭ سوزىنشە، بۇل مەكتەپتەگى قازاق تىلىندەگى ەڭ «سوڭعى قوڭىراۋ». بۇدان بىلاي مەكتەپ تەك قىتاي تىلىندە ءبىلىم بەرەدى، دەپ حابارلايدى «ادىرنا» ۇلتتىق پورتالى kaz.nur.kz سايتىنا سىلتەمە جاساپ.
الەۋمەتتىك جەلىدە تاراعان ۆيدەو كوپتىڭ جۇرەگىن اۋىرتتى.
«قازاق ءتىلىنىڭ سوڭعى تۇلەكتەرى... قىتايدىڭ كۇنەس اۋدانىندا قازاق سىنىبىنىڭ سوڭعى تۇلەكتەرى مەكتەپ ءبىتىردى. مەكتەپ ءبىتىرۋ كەشىندە قازاقشا «سوڭعى قوڭىراۋ» ءانى ايتىلدى. قازاق تىلىندەگى ەڭ سوڭعى قوڭىراۋ... ەندى بۇدان بىلاي مەكتەپتە تەك قىتاي ءتىلى وقىتىلادى»، - دەپ جازدى ەرقانات تۇرسىنجانۇلى.
جەلى قولدانۋشىلارى ۆيدەونى كورىپ كوزدەرىنە جاس ۇيىرىلگەنىن جاسىرمادى.
«مەكتەپپەن ەمەس، ۇلتىمەن قوشتاسىپ جاتقانداي»، «جۇرەكتى اۋىرتاتىن جاعداي»، «وكىنىشتى، نەگە ەلگە كەلمەيدى؟ سول توڭىرەكتەگى قازاق جۇرتى ءتىلىمىزدى، ءدىنىمىزدى ۇمىتپاعان. ءتىپتى بىزدەن ارتىق بىلەدى. وزدەرى سونداي مادەنيەتتى، كىشىپەيىل ادامدار»، «كوزىڭە ەرىكسىز جاس ۇيىرەدى»، - دەپ پىكىر ءپىلدىردى جەلى قولدانۋشىلارى.
ۆيدەونى جەلىدە بولىسكەندەردىڭ سانى ساعات سايىن ارتۋدا. وندا بىردەي كيىم كيگەن مەكتەپ وقۋشىلارى حورمەن «سوڭعى قوڭىراۋ» ءانىن ورىنداعان. سونداي-اق سپورت زالدا قولدارىنا قىزىل جالاۋشا ۇستاپ ساپتا تۇرعان وقۋشىلاردى بايقاۋعا بولادى.
ۆيدەونى وسى سىلتەمە بويىنشا كورە الاسىز: https://www.facebook.com/100007189782489/videos/2827061210876844/
"ادىرنا" ۇلتتىق پورتالى
