الماتىدا الاش ارداقتىلارىنىڭ ەڭبەگىن قايتا جاڭعىرتۋ ماقساتىندا «ازات رۋحتىڭ الداسپاندارى» اتتى ءداستۇرلى ءان كەشى ءوتتى. وندا ەلىمىزگە تانىمال ونەرپازدار رامازان ستامعازيەۆ، جولامان قۇجىمانوۆ، ەركىن شۇكىمان جانە ارداق يساتاەۆا ءان شىرقادى. الاش وردانىڭ 100 جىلدىعىنا ارنالعان كونتسەرتتە كۇيشىلەر كۇمبىرلەتىپ كۇي توكتى. ال، جاس جىرشىلار قورقىتتان باستالاتىن جىرشىلىق ونەردى قايتا جاڭعىرتىپ، تاعىلىمدى تۋىندىلارمەن كورەرمەندى ەرەكشە اسەرگە بولەدى. جالپى، تۋمىسىنان تالانتتى الاش ارىستارى ۇلتتىق ونەردىڭ ۋىزىنا قانىققان. ولار ساياساتتى، ۇستازدىقتى جانە ونەردى قاتار الىپ ءجۇردى. سوندىقتان، تانىمى تەرەڭ تۇلعالار سارقىلماس مۇرا قالدىرعان. «ال، بۇل ەڭبەكتەردى زامان تالابىنا ساي تۇلەتىپ، حالقىمىزدىڭ قازىناسىنا اينالدىرۋعا ەلباسىنىڭ «رۋحاني جاڭعىرۋ» باعدارلاماسى جول اشتى»، - دەيدى، ۇيىمداستىرۋشىلار. ارمان اۋباكىر، «ادىرنا» ۇلتتىق-ەتنوگرافيالىق بىرلەستىگىنىڭ ديرەكتورى: - بۇگىنگى شارانىڭ ەڭ باستى ماقساتتارىنىڭ ءبىرى - «رۋحاني جاڭعىرۋ» باعدارلاماسىن حالىققا ناسيحاتتاۋ جانە الاش اۆتونومياسىنىڭ 100 جىلدىعىن ۇلكەن ەلدىك دەڭگەيدە تويلاۋعا اتسالىسۋ. الاش زيالىلارىنىڭ قاي-قايسىسى بولسا دا ونەرگە، ۇلتتىق قۇندىلىقتارعا ءبىرتابان جاقىن بولعان.
نۇرلان اسقارۇلى
