«ينتەر» مەن دانيانىڭ جارتىلاي قورعاۋشىسى كريستيان ەريكسەن جانكۇيەرلەرىنە الەۋمەتتىك جەلىدە العىس ءبىلدىردى، دەپ حابارلايدى "ادىرنا" ۇلتتىق پورتالى.
"بارىڭە سالەم! بۇكىل الەمنەن قولداۋعا تولى جانە تاڭعاجايىپ قۇتتىقتاۋلارىڭىز بەن حابارلامالارىڭىز ءۇشىن كوپ راحمەت. بۇل مەن ءۇشىن جانە مەنىڭ وتباسىم ءۇشىن كوپ نارسەگە تاتيدى.
بولعان جاعدايعا قاراماستان، قازىر ءحالىم جاقسى. مەن ءالى اۋرۋحانادا تولىق تەكسەرۋدەن وتپەدىم، بىراق ءوزىمدى جاقسى سەزىنەمىن.
ەندى مەن كەلەسى ماتچتاردا دانيا قۇراماسىنىڭ جىگىتتەرى ءۇشىن قولداۋ بىلدىرەتىن بولامىن", دەپ جازدى ەريكسەن ءوز ينستاگرامىندا.
پوسموترەت ەتۋ پۋبليكاتسيۋ ۆ Instagram
ەستەرىڭىزگە سالا كەتەيىك، ەۋرو - 2020 چەمپيوناتىندا دانيا - فينليانديا ماتچىنىڭ ءبىرىنشى تايمىنىڭ سوڭىندا، ەريكسەن سەرىكتەسى دوپتى سىرتقا شىعارعان ساتتە ەسىنەن تانىپ قالعان بولاتىن. دارىگەرلەر شۇعىل تۇردە الاڭعا كەلىپ، ويىنشىعا قايتا ءتىرىلتۋ امالدارىن جاساي باستادى. 10 مينۋتتان استام ۋاقىتتان كەيىن ونى دانيا قۇراماسىنىڭ ويىنشىلارىمەن بىرگە الاڭنان الىپ شىقتى. كەيىنىرەك بەلگىلى بولعانداي، كريستيان جۇرەك ۇستاماسىنان امان قالعان.
"ادىرنا" ۇلتتىق پورتالى
