بۇگىن، 16 ماۋسىمدا پرەزيدەنت قاسىم-جومارت توقاەۆ يسلام ىنتىماقتاستىعى ۇيىمىنىڭ (يىۇ) عىلىم جانە تەحنولوگيا جونىندەگى ەكىنشى سامميتىنە بەينەبايلانىس ارقىلى قاتىسادى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي حابارلادى.
«عىلىم، تەحنولوگيا جانە يننوۆاتسيا: جاڭا بەلەستەرگە جول اشۋ» اتتى تاقىرىپ بويىنشا وتەتىن ۆيرتۋالدى سامميتكە بىرىككەن اراب امىرلىكتەرى توراعالىق ەتەدى. جيىندا عىلىم، تەحنولوگيا جانە يننوۆاتسيا سالالارىنداعى ءوزارا ىقپالداستىق ماسەلەلەرى، سونداي-اق، 2026 جىلعا دەيىنگى اتالعان باعىتتارداعى يىۇ باعدارلاماسىنىڭ جۇزەگە اسىرىلۋ بارىسى تالقىلانباق. جالپى يىۇ-نىڭ عىلىم جانە تەحنولوگيا جونىندەگى ءسامميتى قازاقستاننىڭ باستاماسىمەن ءوتىپ كەلەدى. العاشقى سامميت 2017 جىلدىڭ قىركۇيەك ايىندا ەلوردادا وتكەن بولاتىن»،– دەدى ب.ءۋالي.بۇگىنگى ءىس-شارا نۇر-سۇلتان قالاسىنىڭ ۋاقىتى بويىنشا ساعات 15:00-دە باستالادى دەپ جوسپارلانعان. ءسامميتتىڭ تىكەلەي كورسەتىلىمىن مىنا سىلتەمە بويىنشا كورۋگە بولادى.
«ادىرنا» ۇلتتىق پورتالى
