«اق جول» قۇرىلىس سالاسىنىڭ كاسىپورىندارىن قولداپ، باس پروكۋراتۋرادان مەملەكەتتىك ساتىپ الۋ تۋرالى شارتتار بويىنشا قىسقى باعانىڭ ءوسۋ كوەففيتسيەنتىنىڭ زاڭدىلىعىن قاراۋدى سۇرادى. ءتيىستى دەپۋتاتتىق ساۋالدى فراكتسيا دەپۋتاتى د.ەسپاەۆا جولدادى.
قر باس پروكۋرورىنا
«اق جول» فراكتسياسىنىڭ دەپۋتاتتىق ساۋالىنا اقتوبە وبلىسى كاسىپكەرلەرى توبىنىڭ قىسقى ۋاقىتتا قۇرىلىس-مونتاجداۋ جۇمىستارىن (بۇدان ءارى - قمج) جۇرگىزۋ كەزىندە قوسىمشا شىعىستاردى (قىسقى قىمباتتاۋ) مەملەكەتتىك بيۋدجەتكە قايتارۋ تۋرالى سوت تالاپ-ارىزدارى باستاماشىلىق ەتكەن ءوتىنىشى نەگىز بولدى.
وتىنىشتەن كورسەتىلگەندەي، وسىنداي پروبلەماعا اقتوبە، اقمولا، قىزىلوردا، سولتۇستىك قازاقستان وبلىستارىنىڭ قۇرىلىس بيزنەسى سۋبەكتىلەرى تاپ بولىپ وتىر.
ءوتىنىش بىلدىرگەندەردىڭ ايتۋىنشا، جەرگىلىكتى پروكۋراتۋرا ورگاندارى مەردىگەرلەردەن مەملەكەتتىك بيۋدجەتكە قىسقى ۋاقىتتا جۇمىس جۇرگىزۋ كەزىندە قوسىمشا شىعىن رەتىندە ورىندالعان جۇمىستاردىڭ جالپى قۇنىنىڭ 2% مولشەرىندە سمەتادا كوزدەلگەن قاراجاتتى قايتارۋدى تالاپ ەتىپ، مەملەكەتتىك ورگاندارعا ۇسىنىس ەنگىزگەن.
وسىعان بايلانىستى مەملەكەتتىك ورگاندار ورىندالعان جۇمىستاردىڭ تۇپكىلىكتى تولەمىن كەشىكتىرە باستادى، ال اقىسى تولەنگەن شارتتار بويىنشا ولار سوتقا جۇگىنە باستادى. بۇل مەردىگەر كوكتەمگى جانە جازعى ۋاقىتتا جۇمىس ىستەگەندىگىمەن جانە تيىسىنشە قىسقى كوەففيتسيەنتتى ەسكەرمەۋگە ءتيىس ەكەندىگىمەن نەگىزدەلدى. وسى دالەلدەردىڭ نەگىزىندە كەيبىر سوتتار سوت ىستەرىن قاناعاتتاندىرادى. بىراق ءبىر پارادوكس بار، ەلىمىزدە وسىعان قاراما-قايشى كەلەتىن سوت پراكتيكاسى پايدا بولدى.
مىسالى، اقتوبە وبلىسىندا بارلىق شەشىمدەر تاپسىرىس بەرۋشىنىڭ پايداسىنا شىعارىلادى، بىراق سوت شەشىمىنىڭ مەردىگەرگە دە پايداسى بار، ماڭعىستاۋ وبلىسىندا دا شەشىمدەر مەردىگەرلىك ۇيىمداردىڭ پايداسىنا قابىلدانادى. مەردىگەر ۇيىمداردىڭ تاراپتارىن قابىلداعان سوتتار ءوز شەشىمدەرىن نەگىزدەيدى جانە ءبىز جۇمىستاردىڭ مەملەكەتتىك نورماتيۆتەرگە جانە ءتيىستى مينيسترلىكتىڭ بۇيرىعىنا سايكەس ازىرلەنگەن جوبالاۋ-سمەتالىق قۇجاتتاما نەگىزىندە ورىندالعانىنا تولىق كەلىسەمىز.
قوسىمشا شىعىندار نورمالارىنىڭ 1-تارماعىنا سايكەس سمەتالىق نورمالار قىسقى ۋاقىتتا قمج ءوندىرۋ كەزىندە قوسىمشا شىعىنداردى انىقتاۋ ءۇشىن قولدانىلادى. بۇل رەتتە، وسى نورماتيۆتىك قۇجاتتىڭ 4-تارماعىندا قۇرىلىستىڭ تۇرلەرى بويىنشا سمەتالىق نورمالار ورتاشا جىلدىق بولىپ تابىلادى جانە ورىندالعان قمج ءۇشىن ەسەپ ايىرىسۋ كەزىندە قۇرىلىس جۇزەگە اسىرىلاتىن جىلدىڭ ناقتى ۋاقىتىنا قاراماستان، جىل بويى قولدانىلادى دەپ ايقىندالعان.
قىسقى باعانى قولدانۋدىڭ زاڭدىلىعى يندۋستريا جانە ينفراقۇرىلىمدىق دامۋ ءمينيسترىنىڭ «ەلەكتروندىق ۇكىمەت» پورتالىنداعى جاۋابىمەن راستالادى.
بۇدان باسقا، «مەملەكەتتىك ساتىپ الۋ تۋرالى» زاڭنىڭ 21-بابىنا سايكەس قمج مەملەكەتتىك ساتىپ الۋدى جۇزەگە اسىرۋ كەزىندە تاپسىرىس بەرىلەتىن جۇمىستاردىڭ جالپى قۇنىن كوزدەيتىن، بەلگىلەنگەن تارتىپپەن بەكىتىلگەن جسق-نى قامتۋى ءتيىس بايقاۋ قۇجاتتاماسى ازىرلەنەدى. وسى زاڭعا سايكەس شارتتىڭ تۇپكىلىكتى باعاسى الەۋەتتى ءونىم بەرۋشىنىڭ بايقاۋعا قاتىسۋعا وتىنىمدە كورسەتكەن باعاسى بولىپ تابىلادى.
بۇل رەتتە، مەردىگەرلەر مەردىگەرلىك جۇمىستارعا ارنالعان تەندەرگە قاتىسا وتىرىپ، ادەتتە، قىسقى ۇستەمە اقىدان باسقا سمەتادا كوزدەلگەن باسقا دا شىعىنداردى قامتيتىن، تاپسىرىس بەرۋشىلەر كورسەتكەن باعادان كەم دەگەندە 10 %-عا از باعانى كورسەتەدى. وسىعان بايلانىستى، پروكۋراتۋرا ورگاندارىنىڭ ۇسىنىمدارىندا باياندالعان تۇجىرىمدار مەن تاپسىرىس بەرۋشىلەردىڭ ورىندالعان جۇمىستارعا تولىق اقى تولەۋدەن جانە بۇرىن تولەنگەن سومالاردى قايتارۋدان باس تارتۋ تۋرالى دالەلدەرى زاڭعا نەگىزدەلمەگەن جانە قمج-داعى شارتتاردى ورىنداۋ جونىندەگى ىستەردىڭ وبەكتيۆتى جاعدايىنا سايكەس كەلمەيدى.
بۇل جاعدايدا تاپسىرىس بەرۋشىلەردىڭ زاڭسىز ارەكەتتەرىنە بايلانىستى كوپتەگەن كاسىپكەرلىك سۋبەكتىلەرى قىزمەتكەرلەرگە جالاقىنى ۋاقتىلى تولەمەۋدەن باستاپ، سالىقتىق جانە باسقا دا مىندەتتەمەلەردى ورىنداۋعا دەيىن ايتارلىقتاي قارجىلىق شىعىنعا ۇشىرايدى. بۇل سونداي-اق بيزنەستىڭ ازاماتتىق-قۇقىقتىق قاتىناستاردىڭ ادال سۋبەكتىسى رەتىندە مەملەكەتكە دەگەن سەنىمىنە نۇقسان كەلتىرەدى. ناتيجەسىندە، بۇل كاسىپكەرلىك قىزمەتتى نەگىزسىز شەكتەۋ بولىپ تابىلادى.
قۇرمەتتى عيززات داۋرەنبەكۇلى! وتكەن جىلدىڭ قىركۇيەك ايىندا مەملەكەت باسشىسى بيزنەس پروبلەمالارىن ءتيىمدى شەشۋگە باسا نازار اۋدارا وتىرىپ، پروكۋراتۋرانىڭ قاداعالاۋىن قايتا باعدارلاۋ مىندەتىن قويدى.
ءىس جۇزىندە پروكۋراتۋرا ورگاندارى تاپسىرىس بەرۋشىلەرگە قوسىمشا شىعىندار ءۇشىن سومانى قايتارۋ تۋرالى ۇسىنىس جاساي وتىرىپ، زاڭدى وزدەرى بۇزىپ وتىر. ولار كاسىپكەرلەردىڭ مۇددەلەرىن قورعاۋدىڭ ورنىنا، بيزنەستى جويۋعا سەپتىگىن تيگىزۋ بويىنشا شەشىم قابىلدادى. بۇل ماسەلە تۋرالى مەملەكەت باسشىسى 15.02.2021 جىلى باس پروكۋراتۋرانىڭ باسشىلىق قۇرامىمەن وتكەن كەزدەسۋدە ايتقان بولاتىن.
جوعارىدا ايتىلعاندارعا بايلانىستى «اق جول» فراكتسياسى تومەندەگىلەردى سۇرايدى:
- مەملەكەتتىك ساتىپ الۋ تۋرالى شارتتار جانە قىسقى قىمباتتاۋ كوەففيتسيەنتى بويىنشا وڭىرلەردەگى پروكۋراتۋرا ورگاندارى تالاپتارىنىڭ زاڭدىلىعىن قاراۋ
- مەملەكەتتىك ورگانداردىڭ اتىنا جىبەرىلگەن اقتوبە وبلىسى جانە باسقا دا وبلىستار پروكۋرورلارىنىڭ قىسقى قىمباتتاۋ كوەففيتسيەنتىن ۇستاپ قالۋ جونىندەگى ۇسىنىمدارىن كەرى قايتارۋ.
- ۇقساس سوت تالاپتارى بويىنشا ءتۇرلى وبلىستاردا ءار الۋان قۇقىق قولدانۋ پراكتيكاسىنىڭ جۇرگىزىلۋىنە تۇسىنىك بەرۋ.
كاسىپكەرلەر توبىنىڭ وتىنىشتەرىن 17 بەتتە قوسا جولدايمىز.
قۇرمەتپەن،
«اق جول» فراكتسياسىنىڭ دەپۋتاتتارى
