دەپۋتات لگبت وكىلدەرىن ازاماتتىقتان ايىرىپ، ەلدەن قۋعا شاقىردى

6007
Adyrna.kz Telegram

وزبەكستان پارلامەنتىنىڭ دەپۋتاتى، «ميللي تيكلانيش» پارتياسىنىڭ باسشىسى  الىشەر قادىروۆ لگبت قاۋىمداستىعىنىڭ وكىلدەرىن ازاماتتىقتان ايىرىپ، ەلدەن دەپورتاتسيالاۋعا شاقىردى.  7-ماۋسىم كۇنى  Alter Ego youTube ارناسىنا بەرگەن سۇحباتىندا دەپۋتات لگبت قاۋىمداستىعىن ەلدەن دەپورتاتسيالاۋ وزگە ەلدەردىڭ ولاردى قابىلداۋىنا مۇمكىندىك شاداى دەگەن ويىن جەتكىزدى.  

«مەن بۇل تۋرالى الەۋمەتتىك جەلىگە جازعانىمدا، ماعان ونداعان ادام حابارلاسىپ جاتتى، ولاردىڭ اراسىندا لگبت وكىلدەرى دە بار بولاتىن. ولار "بۇل ۇسىنىسىڭ دۇرىس، وزبەكستان لگبت وكىلدەرىنە قاتىستى ساياساتىن ايىپتايتىن ەلدەرگە ءبىز ۆيزا الا الماي كەلەمىز دەپ جازدى", – دەدى قادىروۆ.

وزبەكستاندا ءبىرجىنىستى نەكە زاڭمەن قۋدالانادى. ورتالىق ازياداعى وزبەكستان حالىقارالىق قاۋىمداستىقتىڭ اتالمىش زاڭدى الىپ تاستاۋ كەرەكتىگى جايلى تالاپتارىن ورىنداماي كەلەدى. Human Rights Watch ۇيىمى ناۋرىز ايىندا وزبەكستانعا قاتىستى بايانداما جاساپ، وندا ەلدەگى لگبت وكىلدەرىن قۋدالاۋ جالعاسىپ جاتقانىن ايتقان بولاتىن.

"ادىرنا" ۇلتتىق پورتالى

پىكىرلەر