پول ۋيلان رەسەيدىڭ ارنايى قىزمەتىنىڭ قۇپيا ىستەرىن ءبىلۋ ماقساتىندا تىڭشىلىق ارەكەتتەرىمەن كۇدىكتى بولىپ قولعا تۇسكەن. رەسەي سوتى اقش فسب-نىڭ تىڭشىسى دەپ ايىپلاتعان پول ۋيلانعا 16 جىل قاتاڭ رەجيمدە جازا كەستى. بۇل جايىندا ربك-نىڭ اقپارات قىزمەتى حابارلادى.
سوت ۋيلانعا قاتىستى شەشىمنىڭ رەزوليۋتيۆتى بولىگىن عانا جاريالاپ وتىر. قالعانى مەملەكەتتىك قۇپيا بولىپ ساقتالادى دەدى. بۇعان دەينى 48 جاستاعى ۋيلان "BorgWarner" اتتى اۆتوموبيل بولشەكتەرىن شىعاراتىن كومپانيانىڭ قاۋىپسىزدىك جونىندەگى ديرەكتورى بولىپ جۇمىس ىستەگەن. ونىڭ مىندەتىنە ميچيگان جانە بۇكىل الەم بويىنشا "BorgWarner" كومپانياسىنىڭ بولىمشەلەرىندەگى قاۋىپسىزدىكتى باقىلاۋ كىرەدى.
BorgWarner كومپانياسى رەسەيمەن دە كەلىسىم شارتتار جاساسقان. ۋيلان 2007 جىلدان باستاپ رەسەيدە ءجيى بولعان. BorgWarner-گە دەيىن ۋيلان Kelly Services كادرلار اگەنتتىگىندە جۇمىس ىستەگەن. 1994 جىلدان باستاپ تەڭىز كورپۋسىندا قىزمەت ەتكەن. ەكى رەت (2004 جانە 2006 جىلدارى) يراكتا بولدى.
سوڭعى جىلدارى رەسەيدە اقش-تىڭ تىڭشىلىعىن اتقارىپ ءجۇر دەگەن كۇدىكپەن ۇستالىپ، رەسەيدىڭ فەدەرالدى سوت شەشىمىمەن قاماۋعا الىندى.
بەكبولات قارجان،
"ادىرنا" ۇلتتىق پورتالى
