فوتو جي كومەگىمەن جاسالعان
استانادا ستەنداپ-كوميك ساحنادا بەيادەپ سوزدەر ايتقانى ءۇشىن اكىمشىلىك جاۋاپكەرشىلىككە تارتىلدى، دەپ حابارلايدى "ادىرنا" ۇلتتىق پورتالى.
سوت ونىڭ ارەكەتىن ۇساق بۇزاقىلىق دەپ تانىپ، 86 500 تەڭگە (20 اەك) كولەمىندە ايىپپۇل سالدى. ءىس 2026 جىلعى 7 قاراشادا اكىمشىلىك قۇقىق بۇزۋشىلىق تۋرالى كودەكستىڭ 434-بابىنىڭ 1-بولىگى بويىنشا قارالعان.
ىسكە دەمالىس ورىندارىنىڭ بىرىندە وتكەن ءازىل كەشىنىڭ بەينەجازباسى دالەل رەتىندە ۇسىنىلعان. وندا كوميكتىڭ كورەرمەندەر الدىندا بەيادەپ سوزدەر ايتقانى تىركەلگەن. سوت ونىڭ ارەكەتى قوعامدىق ءتارتىپتى بۇزىپ، اينالاسىنداعىلارعا قۇرمەتسىزدىك تانىتۋ بولىپ سانالاتىنىن اتاپ ءوتتى. ازىلكەش ءوز كىناسىن تولىق مويىنداپ، جاساعان ارەكەتىنە وكىنەتىنىن جەتكىزگەن. سونداي-اق ءوزىن قاماۋعا الماۋدى سۇراپ، مۇنداي جاعدايدىڭ قايتالانبايتىنىنا ۋادە بەرگەن.
سوت ونىڭ وكىنۋىن ەسكەرىپ، 5-10 تاۋلىككە دەيىنگى اكىمشىلىك قاماقتىڭ ورنىنا ايىپپۇل سالۋ تۋرالى شەشىم قابىلداعان. قاۋلى ازىرگە زاڭدى كۇشىنە ەنگەن جوق.
ايتا كەتەيىك، بۇعان دەيىن سەمەيدە تاعى ءبىر ستەنداپ-كوميك ساحنادا بەيادەپ سوزدەر ايتقانى ءۇشىن بەس تاۋلىككە اكىمشىلىك قاماققا الىنعان.
