تەرروريزم اكتىسى تۋرالى جالعان حابارلاما تاراتقان شەتەلدىك ايىپپۇل ارقالادى، دەپ حابارلايدى "ادىرنا" ءتىلشىسى Polisia.kz-كە سىلتەپ.
2023 جىلدىڭ كۇزىندە 36 جاستاعى شەتەلدىك ازامات استانا – سانكت-پەتەربۋرگ باعىتىنداعى اۋە رەيسىندە تەرروريزم اكتىسى تۋرالى كورىنەۋ جالعان حابارلاعانى ءۇشىن ۇستالعان. وعان زاڭعا قايشى قىلىعى ءۇشىن 2,5 ملن تەڭگە ايىپپۇل سالىندى.
ول وتباسىلىق جانجالدان كەيىن جۇبايىنىڭ سانكت-پەتەربۋرگكە ۇشىپ كەتكەنىن قالاماي، وسىنداي قادامعا بارۋعا بەل بۋعان. بۇل تۋرالى باقىتجان مالىباەۆ حابارلادى.
– قاڭتار ايىنىڭ سوڭىندا استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ شەشىمىمەن اتالعان ازامات كىنالى دەپ تانىلىپ، وعان 750 اەك، ياعني 2 ملن 587700 تەڭگە مولشەرىندە ايىپپۇل تۇرىندە جازا تاعايىندالدى، – دەدى دەپارتامەنت باستىعى باقىتجان مالىباەۆ.
ۇقساس جاڭالىقتار
