قىراعىلىق تانىتقاندار ماراپاتتالدى

1942
Adyrna.kz Telegram

اقتوبەدە قر پرەزيدەنتىنىڭ جارلىعىنا وراي وتكەن جىلعى توتەنشە جاعداي كەزىندە №99235 اسكەري ءبولىمى اۋماعىندا قىزمەت ەتكەن، سونداي-اق قيىندىققا تاپ بولعان جانداردى قۇتقارىپ قالعان ءبىر توپ اسكەري مىندەتتىلەر ماراپاتتالدى دەپ حابارلايدى "ادىرنا" ۇلتتىق پورتالىنىڭ ءتىلشىسى.

جيىندا اۋماقتىق قورعانىس دەپارتامەنتىنىڭ باستىعى، پولكوۆنيك ريزات كولپاشەۆ بىلتىر اقتوبەدە كارانتين جاعدايىندا قوعامدىق قاۋىپسىزدىكتى قامتاماسىز ەتۋ ءۇشىن اسكەري مىندەتتى 100 ازامات قىزمەت ەتكەنىن، ولاردىڭ ىشىندە توتەنشە جاعداي رەجيمىن قامتاماسىز ەتۋدەن بولەك، قيىن جاعدايعا تاپ بولعان جانداردى ولىمنەن قۇتقارىپ قالعاندار دا بولعانىن اتاپ ءوتتى.

بۇدان كەيىن شارادا قىراعىلىق تانىتىپ، اسكەري قىزمەتتە ەرەكشە كوزگە تۇسكەن ءبىر توپ ازاماتقا قر قورعانىس ءمينيسترى نۇرلان ەرمەكباەۆتىڭ ارنايى گراموتاسى تابىستالدى.

ماراپاتتالعاندار قاتارىندا اۋماقتىق قورعانىس باتالونىنىڭ جاساق باستىعى، زاپاستاعى ەفرەيتور باعدات جۇماعامبەتوۆ، اۋماقتىق قورعانىس باتالونى رەزەرۆىنىڭ اعا ساربازدارى، قاتارداعى جاۋىنگەرلەر — جاسۇلان ىزتىلەۋوۆ، زامانبەك قالدىبەك، ارمان ساعىنباەۆ، اۋماقتىق قورعانىس باتالونىنىڭ ساربازدارى — ايدوس قالىبەكوۆ، نۇرباقىت نۇرتايلار بار.

شارادا قورعانىس ءمينيسترىنىڭ گراموتاسىن العانداردىڭ ءبىرى — اقتوبە قالاسىنداعى №51 مەكتەپ-گيمنازياسىنىڭ العاشقى اسكەري جانە تەحنولوگيالىق دايىندىق ءپانىنىڭ مۇعالىمى  باعدات جۇماعامبەتوۆ. ول اسكەري قىزمەتتىك بورىشىن وتەۋ كەزىندە بالكوننان سەكىرگەلى تۇرعان ايەل ادامدى سۋيتسيدتەن امان الىپ قالعان.

"ادىرنا" ۇلتتىق پورتالى.

پىكىرلەر