تالعات بيگەلدينوۆتىڭ جارى الماتىداعى ازاماتتىق اۆياتسيا اكادەمياسىن باتىردىڭ ەسىمىمەن اتاپ، قالا ورتالىعىنان كوشە بەرىلۋىن قالايدى دەپ حابارلايدى "ادىرنا" ۇلتتىق پورتالى «ەۋرازيا» ءبىرىنشى ارناسىنا سىلتەمە جاساپ.
سونداي-اق كەڭەس وداعىنىڭ ەكى مارتە باتىرى اتانعان تاۋ تۇلعانىڭ جارى مايدانگەردىڭ مەرەيتويىنا وراي دەرەكتى فيلم ءتۇسىرىپ، كىتاپ شىعارۋدى ويلاپ وتىر. الايدا قارجىنىڭ جوقتىعى قولبايلاۋ بولىپ تۇر.
«ونىڭ ءومىرى مەن ەڭبەك جولىنا قاتىستى دەرەكتەر بۇرمالاعانعان. سوندىقتان باتىردىڭ ءوزى ايتقان دەرەكتەر بويىنشا كىتاپ شىعارعىم كەلەدى. جاستار شىندىقتى بىلسە ەكەن دەيمىن. كوشە بەرۋگە كەلسەك، شەۆچەنكونى المايتىن شىعار دەپ ويلايمىن. بىراق شەۆچەنكو مەن قوناەۆ بولسا نۇر ۇستىنە نۇر بولار ەدى. ءوزىنىڭ تۇرىپ كەتكەن ءۇيى، اقىرعى ساپارعا شىعارعان ءۇيىمىز قوناەۆ كوشەسى. نە بولماسا لەنين كوشەسى، دوستىق دەيدى عوي، ءبارىمىزدىڭ دوستىعىمىزدى بىرىكتىرىپ تۇرىپ، كوشەنى بەرسە ەكەن دەگەن ءۇمىتىم بار»، — دەيدى باتىردىڭ جارى ۇرىندىبيكە بيگەلدينوۆا.
كەلەسى جىلى تالعات بيگەلدينوۆتىڭ دۇنيەگە كەلگەنىنە 100 جىل. مەرەيتويعا وراي كەلىمدى-كەتىمدى كىسىلەر بولادى دەپ ۇرىندىبيكە اپا وزدەرى تۇرعان ءۇيدىڭ كىرەبەرىسىن 5 قاباتقا دەيىن كافەلدەپ، جوندەۋ جۇمىستارى جۇرگىزۋگە 10 ميلليون تەڭگە جۇمساپتى. ال ءۇيدىڭ قاسبەتى مەن اۋلاسىن اباتتاندىرۋعا شاماسى كەلمەگەندىكتەن جەرگىلىكتى اكىمدىكتەن كومەك سۇراعان. بىراق ناتيجە بولماپتى. ول قالا اكىمىنىڭ قابىلداۋىنا بىرنەشە جىلدان بەرى كىرە الماي كەلەدى. بۇل ماسەلەگە قاتىستى اكىمدىكتەگىلەر دە جۋرناليستەرگە جاۋاپ بەرمەدى.
ايتا كەتۋ كەرەك، سوناۋ 1945 جىلى 23 جاسىندا كەڭەس وداعىنىڭ ەكى مارتە باتىرى اتانعان تالعات بيگەلدينوۆتىڭ سوعىستان كەيىنگى ءومىرى الماتىمەن تىعىز بايلانىستى.
"ادىرنا" ۇلتتىق پورتالى.
