اتىڭ شىقپاسا... نەمەسە تۋر دە فرانس كەزىندەگى جانكۇيەر بىلىعى

3344
Adyrna.kz Telegram
فوتو اشىق اقپارات كوزىنەن الىندى
فوتو اشىق اقپارات كوزىنەن الىندى

اتى-ءجونى بەلگىسىز جانكۇيەر تەلەكامەرالاردىڭ وبەكتيۆىنە تۇسكىسى كەلدى جانە ويىنداعىسىن تولىعىمەن ىسكە اسىردى.

26 ماۋسىم كۇنى باستالعان "تۋر دە فرانس" ۆەلوسپورت باسەكەسىندە جان تۇرشىكتىرەرلىك وقيعا ورىن الدى. جارىستىڭ العاشقى كەزەڭىندە  جولدىڭ شەتىنەن شىققان جانكۇيەر قولدىنداعى پلاكاتىمەن ۆەلوشاباندوزدى قاعىپ كەتىپ، ءوز زيانىن تيگىزدى. بولعان جاعداي NBC تەلەكانالىنىڭ ترانسلياتسياسىنا ءتۇسىپ قالعان.

قازىرگى ۋاقىتتا ىزدەستىرىلىپ جاتقان بۇل ازامات، قولىنداعى پلاكاتىمەن كامەرالاردىڭ نازارىن وزىنە اۋدارتقىسى كەلگەن. ارينە، ماقساتىنا جەتتى، بىراق ونىڭ قۇنى دا تىم قىمباتتاپ كەتكەندەي. ەكى ورتادا ادام دەنساۋلىعىنا ايتارلىقتاي زاقىم كەلدى.

باستى زارداپ شەگۋشى سپورتشى - الەمنىڭ 7 دۇركىن چەمپيونى، وليمپيادا ويىندارىنىڭ كۇمىس مەدال يەگەرى گەرمانيالىق توني مارتين (Jumbo-Visma كومانداسى). جول ورتاسىنداعى اپات باستالعاننان كەيىن تاعى بىرنەشە ۆەلوشاباندوز دا ءمارتيننىڭ ارتىنان قۇلادى.

جاراقات العاندار دا جوق ەمەس. موۆيستار كومانداسىنىڭ وكىلى، يسپانيالىق مارك سولەردىڭ قولى ەكى جەردەن سىنعان. ال سيريل لەمۋان ەسىمدى ۆەلوشاباندوزدىڭ بىرنەشە قابىرعاسى سىنىپ، وكپە كوللاپسىنا شالدىقتى.

ءار جىلدىڭ ماۋسىم-شىلدە ايلارىندا وتەتىن ۆەلوسپورتتىڭ باستى دوداسى وسىنداي قيىن جاعدايمەن باستالدى. بۇل بايگەدە ەلىمىزدىڭ نامىسىن قورعايتىن "Astana pro team" كومانداسىنىڭ دا بار ەكەنىن ەسكەرتە كەتەيىك.

پىكىرلەر