شىمكەنتتىك ونكولوگتار باۋىر ىسىكتەرىن حيرۋرگيالىق ادىسپەن ەمدەۋدى جەتىك مەڭگەرگەن. 2012 جىلدان بەرى شىمكەنت قالالىق ونكولوگيا ورتالىعىندا باۋىر وبىرى بار ناۋقاستارعا وپەراتسيالار جاسالىپ كەلەدى.
باۋىردىڭ راگىن ەمدەۋ ءۇشىن وتا كەزىندە حيرۋرگتارعا كوبىنە ىسىكتى تولىعىمەن حيرۋرگيالىق جولمەن الىپ تاستاۋ ءتيىمدى. ويتكەنى، باۋىردىڭ ىسىگىنە جاسالاتىن وتا كۇردەلى، سول سەبەپتى دە بۇل وپەراتسيالار ىسىكتىڭ كولەمىنە قاراي جەتى ساعاتقا دەيىن سوزىلۋى مۇمكىن.
قازىردە قالاداعى ونكولوگيالىق ورتالىقتا باۋىردىڭ ىسىكتەرى كەزىندە جاسالىناتىن الەمدىك تاجىريبەدەگى وتالىق ەمنىڭ بارلىق تۇرلەرى ەنگىزىلگەن. سوڭعى جىلداردا حيرۋرگيا بولىمشەسىنىڭ ونكوحيرۋرگتارى 79 وتا جاساعان. ونىڭ ىشىندە: 13 وڭ جاقتى گەميگەپاتەكتوميا، 11 سول جاقتى گەميگەپاتەكتوميا، 26 باۋىردىڭ اتيپيالىق رەزەكتسيالارى، 8 وڭ ارتقى باۋىر سەكتورەكتومياسى (باۋىر VI, VII سەگمەنتتەرىنىڭ رەزەكتسياسى), 1 وڭ الدىڭعى باۋىر سەكتورەكتومياسى (باۋىر V, VIII سەگمەنتتەرىنىڭ رەزەكتسياسى), 20 باسقا دا وپەراتسيالاردىڭ تۇرلەرى بار.
ايتا كەتۋ كەرەك، ورتالىقتىڭ ماماندارى، وتا ءتۇرىن جەتىك مەڭگەرۋ ءۇشىن، مونعوليا، فرانتسيا، كورەيا ەلدەرىندەگى اۋرۋحانالارىندا وقىپ، بىلىكتىلىكتەرىن جەتىلدىرگەن.
قازىرگى تاڭدا بىلىكتى دارىگەرلەردىڭ ەمدەۋ مەكەمەسىندە باۋىر ىسىكتەرىنە شالدىققان ناۋقاستارعا جەدەل كومەك كورسەتۋدى جەتىلدىرۋ ماقساتىندا كۇندەلىكتى جۇمىستار قارقىندى جۇرگىزىلۋدە.
شىمكەنت قالاسى اكىمدىگىنىڭ ءباسپاسوز قىزمەتى
