ۆولگوگراد وبلىسىنىڭ ۋريۋپينسك قالاسىندا 9-سىنىپ تۇلەگى مەكتەپ اسحاناسىنا قارىز بولعانى ءۇشىن اتتەستاتىن الا الماعان. بۇل تۋرالى وڭىرلىك پروكۋراتۋرانىڭ سايتىندا حابارلاندى.
وقۋشىنىڭ اناسى ۋريۋپينسك قالاسىنىڭ اۋدانارالىق پروكۋراتۋراسىنا ۇلىنىڭ قۇقىعى بۇزىلعانىن ايتىپ، شاعىم تۇسىرگەن.
كەيىننەن ايەلدىڭ ەكى بالانى جالعىز تاربيەلەپ وتىرعانى، ماتەريالدىق جاعدايىنىڭ تومەن ەكەنى انىقتالدى.
پروكۋراتۋرا "رەسەي فەدەراتسياسىنداعى ءبىلىم تۋرالى" زاڭعا سايكەس مەملەكەتتىك قورىتىندى اتتەستاتتاۋدان ءساتتى وتكەندەرگە ءبىلىم تۋرالى قۇجاتتار بەرىلەتىنىن اتاپ ءوتتى.
"قارىزدى ءوندىرىپ الۋ ازاماتتىق-قۇقىقتىق تارتىپپەن جۇزەگە اسىرىلۋى ءتيىس جانە اتتەستات بەرۋمەن ءوزارا بايلانىستى ەمەس ەكەنىن ەسكەرە وتىرىپ، تەكسەرۋ قورىتىندىسى بويىنشا ۋريۋپينسك اۋدانارالىق پروكۋرورى مەكتەپ ديرەكتورىنا زاڭنامانى بۇزۋعا جول بەرمەۋ تۋرالى ەسكەرتۋ جاريالادى", — دەپ ناقتىلادى ءباسپاسوز قىزمەتى.
«ادىرنا» ۇلتتىق پورتالى
