پاۆلودار تۇرعىنى جۇكتى ايەلدى الىپ قاشىپ، زورلاعانى ءۇشىن 11 جىلعا باس بوستاندىعىنان ايىرىلدى، دەپ حابارلايدى "ادىرنا" ۇلتتىق پورتالى تengrinews.kz-كە سىلتەمە جاساپ.
سوتتىڭ ءباسپاسوز قىزمەتى حابارلاعانداي، پاۆلودار تۇرعىنى جابىرلەنۋشىگە بىرنەشە رەت جاسالعان زاڭسىز ارەكەتتەرى ءۇشىن جانە زورلادى دەپ ايىپتالىپ، باس بوستاندىعىنان ايىرىلدى. پروتسەسس جابىق ەسىك جاعدايىندا ءوتتى.
سوت ەر ادامنىڭ كىناسى جابىرلەنۋشىنىڭ ايعاقتارىمەن، كۋاگەرلەرمەن جانە ساراپشىلاردىڭ قورىتىندىلارىمەن دالەلدەندى دەپ اتاپ ءوتتى. پروكۋرور ەر ادامدى 12 جىلعا باس بوستاندىعىنان ايىرۋدى سۇرادى.
«پاۆلودار قالاسىنىڭ تۇرعىنى قىلمىستىق قۇقىق بۇزۋشىلىق جاساعانى ءۇشىن كىنالى دەپ تانىلدى. ول 10 جىلعا باس بوستاندىعىنان ايىرىلدى. سونىمەن قاتار، قىلمىستىق كودەكستىڭ 60-بابى 1-بولىگى نەگىزىندە بارلىعى 11 جىلعا باس بوستاندىعىنان ايىرۋ جازاسى تاعايىندالدى", دەپ حابارلادى پاۆلودار قالاسىنىڭ ءباسپاسوز قىزمەتى.
سوت سونىمەن بىرگە سوتتالۋشىنى جابىرلەنۋشىگە مورالدىق زيان كەلتىرگەنى ءۇشىن ەكى ميلليون تەڭگە وتەماقى تولەۋگە مىندەتتەدى.
سوتتىڭ ءباسپاسوز قىزمەتى حابارلاعانداي، ۇكىم زاڭدى كۇشىنە ەنگەن جوق.
ەستەرىڭىزگە سالا كەتەيىك، پاۆلودار قالاسىنىڭ 26 جاستاعى تۇرعىنىنا قاتىگەزدىكپەن قيانات جاساۋ تۋرالى اقپاراتتى «نەمولچي» قورى جاريالاعان بولاتىن. وتكەن جىلدىڭ 11 قازانىندا جۇكتى ايەل دۇكەنگە بارعان ساتىندە، ونى بىرگە پاتەر جالداپ تۇرعان 24 جاستاعى تانىسى ۇرلاپ اكەتكەنى تۋرالى حابارلاندى.
جابىرلەنۋشىنىڭ ايتۋىنشا، ەر ادام ونى بىرنەشە كۇن بويى ۇستاپ، جالدامالى پاتەردەن ەكىنشى پاتەرگە جەتكىزىپ، ۇرىپ-سوعىپ، زورلاعان. 12 قازاندا ايەل ءوزىن بوساتىپ، جەدەل جاردەم شاقىرۋعا ۇلگەرگەن، بىراق ول ونى اۋرۋحاناعا كىرەر الدىندا جەدەل جاردەم كولىگىنەن ۇرلاپ كەتكەن.
14 قازانعا قاراعان ءتۇنى شۋدى ەستىگەن كورشىلەرى ۋچاسكەلىك پوليتسيا قىزمەتكەرىن شاقىرىپ، ولار پوليتسياعا جەتكىزىلدى. الايدا سوققىعا جىعىلعان پاۆلودارلىق ايەل ءوزىنىڭ سۇيىكتىسىنەن جەتى ايلىق جۇكتىلىگى بار ەكەنىن ايتىپ، پروتسەسستەن باس تارتقان بولاتىن.
"ادىرنا" ۇلتتىق پورتالى
