جاپونيانىڭ امامي قالاسىندا (سيدزۋوكا پرەفەكتۋراسى) جاپپاي كوشكىن بولىپ، ادامدار جوعالعان دەپ حابارلايدى "ادىرنا" ۇلتتىق پورتالى "كيودو" اگەنتتىگىنە سىلتەمە جاساپ.
بۇل جەرگىلىكتى ۋاقىت بويىنشا تاڭعى 10.00-دە بولعان. كوشكىن سالدارىنان كەم دەگەندە 20 ادام حابار-وشارسىز كەتكەن.
اپات ايماعىندا ىزدەۋ-قۇتقارۋ جۇمىستارى باستالعان. جەرگىلىكتى اكىمشىلىك ادامداردى ىزدەۋدە. ولار جاپونيانىڭ ءوزىن-ءوزى قورعاۋ كۇشتەرىنەن كومەك سۇرادى.
قازىرگى تاڭدا قالالىق ونەر مۇراجايىندا ۋاقىتشا تۇرۋ ورتالىعى اشىلعان. سوڭعى مالىمەتتەر بويىنشا، قازىردىڭ وزىندە وندا 14 ادام ەۆاكۋاتسيالانعان.
سوڭعى كۇندەرى سيدزۋوكا پرەفەكتۋراسىندا قاتتى جاڭبىر جاۋىپ تۇردى. مەتەورولوگتاردىڭ ايتۋىنشا، سوڭعى 48 ساعات ىشىندە ول جەردە كەمىندە 300 ميلليمەتر جاۋىن-شاشىن تۇسكەن.
پرەمەر-مينيستر يوسيحيدە سۋگا وسى ماسەلە بويىنشا اپاتتاردى باسقارۋ ءمينيسترى ياسۋفۋمي تاناحاشيمەن كەزدەسۋ وتكىزدى.
ۇكىمەت باسشىسىنىڭ رەزيدەنتسياسىندا اپات سالدارىن جويۋ جونىندەگى شتاب قۇرىلدى.
"ادىرنا" ۇلتتىق پورتالى.
