قىتاي بيلىگى ءوز نارىعىنداعى ءىرى كومپانيالاردى باقىلاۋدا ۇستاۋدى 2020 جىلدان باستاپ ىسكە اسىرىپ كەلەدى. بەيجىڭ تەحنولوگيالىق قۇپيالاردىڭ سىرتقا شىعىپ كەتۋىنەن ساقتانۋدا. سونىمەن قاتار ەندىگى تاڭدا كومپانيالار تىكەلەي بيلىكتىڭ اشسا الاقانىندا، جۇمسا جۇدىرىعىندا بولۋىن قالاپ وتىر.
شىلدەنىڭ العاشقى كۇندەرىندە جەرگىلىكتى كيبەرقاۋىپسىزدىك سالاسىنىڭ ماماندارى بىرنەشە تەرگەۋدى بىردەن باستادى. 2 شىلدەدە Didi تاكسي اگرەگاتورىنىڭ دەرەكتەر قاۋىپسىزدىگىنىڭ ءاۋديتى جاريالاندى. 4 شىلدەدە كومپانيا ءوز قىزمەتىن ەلدەگى قولدانبالى دۇكەندەردەن (موبيلدىك قوسىمشا) الىپ تاستاۋ تۋرالى بۇيرىققا تاپ بولدى. 5 شىلدەدە جۇمىس ىزدەۋ قوسىمشاسىن جاساۋشى Boss Zhipin تەرگەۋگە ىلىكسە، سونداي-اق جۇكتى جەتكىزۋدىڭ ونلاين-شەشىمدەرىن ۇسىناتىن Full Truck Alliance كومپانياسىن تەكسەرۋ جۇمىستارى باستالدى. Didi مەن Boss Zhipin كومپانيالارى جاقىندا عانا نارىققا شىققان بولاتىن.
بيلىك دەرەكتەردى ساقتاۋ ماسەلەلەرىنە نازار اۋدارۋدا. باستالعان تەكسەرۋلەر قولدانىستاعى زاڭناما نەگىزىندە جۇزەگە اسىرىلىلىپ جاتىر. كوپ ۇزاماي جاڭا ەرەجەلەر كۇشىنە ەنەدى، ولار كومپانيالاردىڭ اقپاراتتى جيناۋ، ساقتاۋ جانە بەرۋ تاسىلدەرىن رەتتەيتىن بولادى. جەكە دەرەكتەردى قورعاۋ تۋرالى زاڭ دا ازىرلەنۋدە.
سونىمەن قاتار، ديديگە قاتىستى قازىرگى شاعىمداردىڭ ءمانى تولىعىمەن ايقىن ەمەس دەپ جازادى Bloomberg. اۋديت كومپانيا بيرجادا جاريا بولعاننان كەيىن ەكى كۇن ىشىندە وتكىزىلە باستاعان. ماۋسىمدا تاكسي اگرەگاتورى دا مونوپولياعا قارسى زاڭ بۇزۋشىلىقتار تۋرالى كۇدىككە تاپ بولعانى ايتىلۋدا. ياعني بيلىك اتالمىش كومپانيانى ماقساتتى تۇردە قىسىمعا الىپ جاتىر.
بۇل شارالار بەيجىڭ تەحنولوگيالىق الپاۋىتتارعا قاتىستى ساياساتىن قاتايتىپ، ولاردىڭ ءوسىپ كەلە جاتقان ىقپالىنا قارسى كۇرەسكەننەن كەيىن جۇزەگە اسىرىلدى. وتكەن جىلى قىتاي بيلىگى ايگىلى Alibaba كومپانياسىن قىسىمعا الىپ، اقىرى دجەك ما ءساۋىر ايىندا رەكوردتىق 2,8 ميلليارد دوللار ايىپپۇل تولەگەن ەدى. وسىلايشا قىتاي ءوز نارىعىنداعى ءىرى تەحنولوگيالىق الپاۋىتتاردى قىسىمعا الىپ، بيلىك ەرەجەسىمەن ويناتۋدا ىسكە اسىرۋدا.
"ادىرنا" ۇلتتىق پورتالى
