وزبەكستاندا وقۋشىلارعا حيدجاب كيۋگە، ساقال وسىرۋگە تىيىم سالىندى

12751
Adyrna.kz Telegram

وزبەكستاننىڭ حالىققا ءبىلىم بەرۋ مينيسترلىگى مەكتەپتە حيدجاب كيۋگە بولمايتىنىن ءتۇسىندىردى. وزبەكستاننىڭ حالىققا ءبىلىم بەرۋ مينيسترلىگى ءوز تالابىن «مەملەكەتتىك ورتا مەكتەپتەردىڭ وقۋشىلارى ءۇشىن زاماناۋي فورمانى ەنگىزۋ ءتارتىبى تۋرالى» زاڭنىڭ ەرەجەلەرىمەن نەگىزدەيتىن مالىمدەمە جاسادى.

ءبىلىم مينيسترلىگىنىڭ مالىمەتىنشە، ەرەجەگە سايكەس، ورتا مەكتەپتەردە ەر بالالارعا ساقال وسىرۋگە، پيرسينگ جاساۋعا جانە تاتۋيروۆكا سالۋعا، ۇلدارعا ۇزىن سيپاتتا شاش وسىرۋگە جانە ولاردى اشىق تۇستەرگە بوياۋعا تىيىم سالىنادى.

قىزدارعا دەنەنىڭ اشىق جەرلەرىنە پيرسينگ جاساۋعا جانە تاتۋيروۆكا سالۋعا، شاشتى اشىق تۇستەرگە بوياۋعا، جارقىن ماكياجعا، مانيكيۋر جاساۋعا، تىرناق وسىرۋگە، قۇلاققا بىرنەشە سىرعا تاعۋعا جانە ساۋساققا ساقينا تاعۋعا تىيىم سالىنادى.

مينيسترلىك سونداي-اق جارعىنىڭ 7-بابى ستۋدەنتتەردىڭ ءبىلىم بەرۋ مەكەمەسىنىڭ عيماراتىنا شلياپاسىز كىرۋى كەرەكتىگىن ەسكەرتتى.

مينيسترلىكتىڭ مالىمدەمەسىنە 5 شىلدەدە «ار-وجدان بوستاندىعى جانە ءدىني ۇيىمدار تۋرالى» زاڭنىڭ جاڭا رەداكتسياسى قابىلدانعاننان كەيىن جۋرناليستەر مەن الەۋمەتتىك جەلى قولدانۋشىلارىنىڭ ورامال تاعۋعا قاتىستى بىرقاتار سۇراقتارى تۇرتكى بولدى. پرەزيدەنت شاۆكات ميرزيوەۆتىڭ ۇستىمىزدەگى جىلدىڭ 5 شىلدەسىندە قول قويعان زاڭى حيدجاب پەن باسقا ءدىني كيىمدەردى قوعامدىق ورىندا كيۋگە تىيىم سالۋدى الىپ تاستادى.

"ادىرنا" ۇلتتىق پورتالى

پىكىرلەر