شىمكەنت قالاسى اكىمىنىڭ ورىنباسارى ماقسۇت يساحوۆ قالا تۇرعىندارىن جەكە ماسەلەلەرى بويىنشا ونلاين قابىلدادى. قابىلداۋعا تۇرعىندار اكىمدىكتىك سايتىنداعى ءوتىنىم بەرۋ تەرەزەسى ارقىلى جانە الەۋمەتتىك جەلى ارقىلى تىركەلگەن.
تۇرعىنداردىڭ ماسەلەلەرىنىڭ كوپشىلىگى جول ساپاسى، قوعامدىق كولىك ماسەلەسى جانە سپورت الاڭشالارى مەن جۇمىسكەرلەردىڭ ەڭبەك قۇقىعىنىڭ ساقتالۋى تۋرالى بولدى.
ماقسۇت پەرنەبايۇلى ازاماتتاردىڭ ارىز-شاعىمدارىن، ۇسىنىستارىن جەكە-جەكە تىڭداپ، باسقارما باسشىلارىنا تەز ارادا نازارعا الىپ، شەشۋىن تاپسىردى.
قوعامدىق قابىلداۋ كارانتيندىك تالاپتارعا سايكەس ونلاين رەجيمدە، WhatsApp جەلىسىنىڭ ۆيدەوقوڭىراۋى ارقىلى جۇرگىزىلدى.
شىمكەنت قالاسى اكىمدىگىنىڭ ءباسپاسوز قىزمەتى
