2021 جىلدىڭ 14 ماۋسىمدا قوستانايدا «وزات» مامانداندىرىلعان اقپاراتتىق تەحنولوگيالار مەكتەپ-ليتسەي-ينتەرناتى بازاسىندا «IT Start» جازعى اكادەمياسىنىڭ اشىلۋى ءوتتى.
اشىلۋ سالتاناتىندا مەكتەپ ديرەكتورى رايسوۆ رامازان ەلەۋسيزوۆيچ، «ءبىلىم بەرۋ ساپاسىن باعالاۋ جانە اقپاراتتاندىرۋ ادىستەمەلىك ورتالىعى» كمم ديرەكتورىنىڭ ورىنباسارى ۋاكباەۆ جانات جانايداوۆيچ ءسوز سويلەدى.
ءبىرىنشى تاقىرىپتىق اۋىسىم بارىسىندا قوستاناي وبلىسىنىڭ 18 وقۋشىسى مەن 6 پەداگوگى وقۋدان وتەدى. جازعى اكادەميانىڭ تاقىرىپتىق اۋىسىمىنىڭ مازمۇندى باعدارلاماسىنا «روبوتتى تەحنيكا جانە باعدارلامالاۋ»، «وليمپيادالىق باعدارلامالاۋ»، «ۆەب-ديزاين جانە ازىرلەۋ»، «3D-مودەلدەۋ» بەيىندىك-سىنىپتارىندا وقىتۋ، بوس ۋاقىت باعدارلاماسى: ترەنينگتەر، كونكۋرستار، فلەش-موبتار، كوڭىلدى ستارتتار جاتادى.
بەلسەندى قاتىسۋشىلار جۇمىس كۇنىنىڭ سوڭىندا يميدجدىك بەلگىلەرمەن، ماگنيتتەرمەن، ديپلومدارمەن ماراپاتتالادى. بەيىندىك-سىنىپ جەڭىمپازداردى سىيلىقتار كۇتەدى: برەندتىك قالپاقشالار، جازعى اكادەميا كۇرىشكەلەرى. جازعى اكادەميانىڭ بارلىق قاتىسۋشىلارى سىيلىققا يميدجدىك داپتەرلەر مەن قالامدار الدى.
تاقىرىپتىق اۋىسىمنىڭ قورىتىندىسى بويىنشا «IT Start» جازعى اكادەمياسىنىڭ ءبىرىنشى تاقىرىپتىق اۋىسىمىنىڭ ەڭ بەلسەندى كومانداسى اتاپ وتىلەدى.
