13 شىلدە كۇنى "تاليبان" ۇيىمىنىڭ اقپارات كوزدەرى اۋعانستانداعى تۇرىك اسكەرلەرىنە قاتىستى ارنايى ۇندەۋ جاريالادى.
"تۇرىك باسشىلىعىنىڭ شەشىمى ءبىزدىڭ تاۋەلسىزدىگىمىزدى بۇزۋ، اۋماقتىق تۇتاستىعىمىزعا نۇقسان كەلتىرۋ جانە ۇلتتىق قۇندىلىقتارىمىزعا قايشى بولىپ كەلەدى. ءبىز تۇرىك باسشىلىعىنان بۇل شەشىمنىڭ كۇشىن جويۋدى سۇرايمىز، ويتكەنى ول ەكى ەلگە دە زيانى تيەتىن شەشىم. ءبىز جەرىمىزدەگى كەز كەلگەن وزگە ەلدىڭ اسكەرىن وككۋپاتسيا رەتىندە قاراستىرامىز. سوندىقتان باسقىنشىلارمەن 2001 جىلعى ءپاتۋا بويىنشا كۇرەسەتىن بولامىز، ءبىز سول پاتۋامەن 20 جىل بويى جيھاد جۇرگىزۋدەمىز" دەدى "تاليبان" ارنايى ۇندەۋىندە.
"تاليبان" تۇركيا ءوز شەشىمىنەن باس تارتپاسا، وندا اۋعان جەرىندەگى تۇرىك اسكەريلەرىنە سوققى جاسايتىنىن مەڭزەدى.
تۇركيا بۇعان دەيىن كابۋل اۋەجايىن قورعاۋ ماقساتىندا اسكەريلەرى اۋعانستان جەرىندە قالدىراتىنىن مالىمدەگەن ەدى.
"ادىرنا" ۇلتتىق پورتالى
