2017 جىلدىڭ 13 جەلتوقسانىندا، ساعات 11-دە ەلباسىنىڭ "بولاشاققا باعدار: رۋحاني جاڭعىرۋ" باعدارلاماسى اياسىندا الاش اۆتونومياسىنىڭ 100 جىلدىعىنا ارنالعان "الاش اماناتى" اتتى دوڭگەلەك ۇستەلگە شاقىرامىز.
اتالعان ءىس-شارادا قازاقستان رەسپۋبليكاسىنىڭ ۇلتتىق كىتاپحاناسىنىڭ «الاش» قوزعالىسىنىڭ 100 جىلدىعىنا وراي "الاش" قوزعالىسى: تاريح جانە قازىرگى زامان مەن ءاليحان بوكەيحان (1866-1937)" بيبليوگرافيالىق كورسەتكىشتەرىنىڭ جانە "ادىرنا" ۇلتتىق-ەتنوگرافيالىق بىرلەستىگىنىڭ "الاش وردا: ۇلتتىق يدەيا جانە ءدىن ماسەلەلەرى" اتتى رەسپۋبليكالىق عىلىمي-تاجىريبەلىك كونفەرەنتسياسىنىڭ ماتەريالدار جيناعى اتتى كىتاپتارىنىڭ تۇساۋكەسەرى وتەدى.
قازاقستان رەسپۋبليكاسىنىڭ ۇلتتىق كىتاپحاناسى بيىلعى جىلى «الاش» قوزعالىسىنىڭ 100 جىلدىعىنا وراي "الاش" قوزعالىسى: تاريح جانە قازىرگى زامان" اتتى بيبليوگرافيالىق كورسەتكىشتى دايىنداپ شىعاردى. باسىلىم 2005 جىلى جارىق كورگەن «الاش» قوزعالىسى: تاريح جانە قازىرگى زامان اتتى بيبليوگرافيالىق كورسەتكىشىنىڭ جالعاسى بولىپ تابىلادى. كورسەتكىشتە الاش قوزعالىسى تاريحىنا قاتىستى 1908 جىلدان 2017 جىلدىڭ قىركۇيەك ايىنا دەيىنگى ادەبيەتتەر قامتىلدى. ول قازاق جانە ورىس تىلىندەگى ەكى بولىمنەن تۇرادى.
2016 جىلى ءاليحان بوكەيحاننىڭ مەرەيتويى يۋنەسكو اياسىندا اتالالىپ وتىلۋىنە بايلانىستى جانە بيىلعى جىلى «الاش» قوزعالىسىنىڭ 100 جىلدىعىنا وراي قوعام جانە مەملەكەت قايراتكەرى، ۇلت-ازاتتىق جانە الاش قوزعالىسىنىڭ جەتەكشىسى، الاشوردا اۆتونوميالى ۇكىمەتىنىڭ توراعاسى، عۇلاما عالىمنىڭ ءومىرى مەن قىزمەتىنە ارنالعان بيبليوگرافيالىق كورسەتكىشتى دايىندادى. باسىلىمعا 1889 جىلدان باستاپ 2016 جىلدىڭ جەلتوقسان ايىنا دەيىنگى باسپا بەتىندە جارىق كورگەن ادەبيەتتەر قامتىلدى. كورسەتكىشتىڭ ءبىرىنشى بولىمىنە قازاق تىلىندەگى، ەكىنشى بولىمىنە ورىس تىلىندەگى باسىلىمدار جيناقتالدى.
بيبليوگرافيالىق كورسەتكىشتەر تاريحشىلارعا، عىلىمي قىزمەتكەرلەرگە، ماماندارعا، ستۋدەنتتەر مەن جالپى وقىرمان قاۋىمعا ارنالعان.
«ادىرنا» ۇلتتىق-ەتنوگرافيالىق بىرلەستىگى الماتى قالاسى ءدىن ىستەرى جونىندەگى باسقارمانىڭ قولداۋىمەن بيىل الاش اۆتونومياسىنىڭ 100 جىلدىعىنا وراي كەشەندى جوبانى جۇزەگە اسىرعان بولاتىن. «الاش وردا»: ۇلتتىق يدەيا جانە ءدىن ماسەلەلەرى» اتتى رەسپۋبليكالىق عىلىمي-تاجىريبەلىك كونفەرەنتسيا، «ازات رۋحتىڭ الداسپاندارى» اتتى ۇلتتىق مۋزىكا كەشى، «الاش ارىستارى: ۇلتتىق ءداستۇر جانە ءدىن» اتتى دەرەكتى فيلم ازىرلەدى. الماتى قالاسى ءدىن ىستەرى جونىندەگى باسقارمانىڭ قولداۋىمەن وتكەن «الاش وردا»: ۇلتتىق يدەيا جانە ءدىن ماسەلەلەرى» اتتى رەسپۋبليكالىق عىلىمي-تاجىريبەلىك كونفەرەنتسيا جيناعىنىڭ تۇساۋكەسەرى وتپەكشى.
جيناقتىڭ العاشقى ءبولىمى «الاش يدەياسىنىڭ قالىپتاسۋى مەن ءمانى» دەپ اتالسا، ەكىنشى ءبولىم «الاش قايراتكەرلەرىنىڭ قىزمەتى مەن مۇراسى» دەپ بولىنگەن. العاشقى بولىمدە الاش ارىستارىنا دەيىنگى ۇلتتىق قۇندىلىقتار مەن ءدىني وتارلاۋ ساياساتىنىڭ ماسەلەلەرى تۋرالى ماتەريالدار جاريالانسا، ەكىنشى بولىمدە ناقتى الاشتىقتاردىڭ ۇلتقا سىڭىرگەن ەڭبەگى تۋراسىنداعى ماتەريالدار جارىق كورگەن. جيناق جالپى كوزى اشىق قاۋىمعا ارنالادى.
ۇيىمداستىرۋشىلار: قازاقستان رەسپۋبليكاسىنىڭ ۇلتتىق كىتاپحاناسى، حالىقارالىق "كوشپەندىلەر اتامۇراسى" قوعامدىق قورى، "ادىرنا" ۇلتتىق-ەتنوگرافيالىق بىرلەستىگى، حالىقارالىق ادام ينستيتۋتى، اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ تاريح جانە قۇقىق ينستيتۋتى.
