2021 جىلعى 13-15 شىلدە ارالىعىندا ۆاشينگتون قالاسىندا (اقش) ءدىني بوستاندىقتىڭ حالىقارالىق ءسامميتى ءوتتى. اقش-تىڭ حالىقارالىق ءدىني سەنىم بوستاندىعى ماسەلەلەرى جونىندەگى كوميسسياسى ونىڭ باستى ۇيىمداستىرۋشىسى، ال اقش كونگرەسى تەڭ توراعاسى بولدى.
اتالعان ءىس-شاراعا قر اقپارات جانە قوعامدىق دامۋ مينيسترلىگى ءدىن ىستەرى كوميتەتىنىڭ توراعاسى ەرجان نۇكەجانوۆ قاتىستى.
سامميت بارىسىندا ە. نۇكەجانوۆ قازاقستان ەلدەگى كونفەسسياارالىق كەلىسىمدى قولداۋعا جانە ءدىندارلاردىڭ ءدىني سەنىم بوستاندىعىنا قۇقىقتارىن قامتاماسىز ەتۋگە، سونداي-اق وسى سالادا اقش-پەن ارىپتەستىكتى دامىتۋعا ەرەكشە نازار اۋداراتىنىن اتاپ ءوتتى.
سامميت اياسىندا ە.نۋكەجانوۆ ءىس-شارانى ۇيىمداستىرۋشىلارى اقش مەملەكەتتىك دەپارتامەنتىنىڭ حالىقارالىق ءدىني بوستاندىق جونىندەگى ەرەكشە تاپسىرمالار بويىنشا بۇرىنعى ەلشىسى سەم براۋنبەكپەن جانە لانتوس ادام قۇقىقتارى مەن ادىلەتتىلىك قورىنىڭ پرەزيدەنتى كاترينا لانتوس سۆيتپەن كەزدەسۋلەر وتكىزدى. سونداي-اق، اقش مەملەكەتتىك دەپارتامەنتتىڭ حالىقارالىق ءدىني بوستاندىق باسقارماسىنىڭ ديرەكتورى دەنيەل نادەلمەن جانە اقش-تىڭ حالىقارالىق ءدىني بوستاندىق جونىندەگى كوميسسياسى توراعاسىنىڭ ورىنباسارى نۋري تيۋركەلمەن كەلىسسوزدەر جۇرگىزىلدى.
بۇدان باسقا، ءدىن ىستەرى كوميتەتى مەن اقش-تىڭ «love Your Neighbor Community» ۇكىمەتتىك ەمەس ۇيىمى اراسىندا ءوزارا تۇسىنىستىك تۋرالى مەموراندۋمعا قول قويىلدى. مەموراندۋم ءدىني بىرلەستىكتەر وكىلدەرى مەن مەملەكەت اراسىندا ءدىني بوستاندىقتاردى ىسكە اسىرۋ جانە ادامنىڭ نەگىزگى قۇقىقتارىن ساقتاۋ ماسەلەلەرىندە ديالوگتى جەتىلدىرۋگە مۇمكىندىك بەرەدى.
