تۇركىستان وبلىسى ارىس قالاسىندا 3 جىل بويى بيۋدجەت قاراجاتىن جىمقىرعان ءبولىم باسشىسىنىڭ ورىنباسارى ۇستالدى دەپ حابارلايدى "ادىرنا" ۇلتتىق پورتالى.
قر سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتى مالىمدەگەندەي، ارىس قالالىق جۇمىسپەن قامتۋ جانە الەۋمەتتىك باعدارلامالار ءبولىمى باسشىسىنىڭ ورىنباسارى ءبىر توپ اداممەن بىرلەسىپ، 2018-2021 جىلدار ارالىعىندا بيۋدجەت قاراجاتىن "جەپ" وتىرعان.
اگەنتتىك ماماندارىنىڭ ايتۋىنشا، بۇل قارجى از قامتىلعان مۇقتاج وتباسىلاردى قولداۋعا بەرىلەتىن قاراجات بولاتىن. سالدارىنان مەملەكەتكە شامامەن 160 ملن تەڭگەدەن استام شىعىن كەلگەن.
ايتا كەتۋ كەرەك، شەنەۋلىك جىمقىرعان قاراجات اتاۋلى الەۋمەتتىك كومەك شەڭبەرىندە ارىس قالاسىندا تۇراتىن تۇرمىسى تومەن وتباسىلارعا جاردەماقى تولەۋگە جانە كەيبىر ساناتتاعى ازاماتتاردى پاندەميا، توتەنشە جاعداي مەن شەكتەۋ شارالارى كەزىندە ازىق-تۇلىك، تۇرمىستىق زاتتارمەن قامتاماسىز ەتۋگە بولىنگەن. قازىرگى تاڭدا بۇل قىلمىس بويىنشا تەرگەۋ جۇمىستارى ءجۇرىپ جاتىر.
"ادىرنا" ۇلتتىق پورتالى.
