اۋعانستاننان اقش-قا 20 مىڭنان استام ادام ەۆاكۋاتسيالانادى

3174
Adyrna.kz Telegram

ارنايى يمميگراتسيالىق باعدارلاما بويىنشا اۋعانستاننان اقش-قا 20 مىڭنان استام ادام ەۆاكۋاتسيالانادى دەپ كۇتىلۋدە. بۇل تۋرالى اقش مەملەكەتتىك دەپارتامەنتىنىڭ جوعارى لاۋازىمدى وكىلى جۋرناليستەرگە ارنالعان ارنايى بريفينگتە مالىمدەدى.

«بۇل باعدارلاماعا جۇگىنگەندەردىڭ جالپى سانى 20 مىڭنان اسادى»، - دەدى ول.

ونىڭ سوزىنە سۇيەنسەك، تاسس كەلتىرگەن، ءوتىنىش بەرۋشىلەردىڭ جارتىسى تىركەۋ پروتسەسىنىڭ باستاپقى كەزەڭدەرىنەن دە وتپەگەن.

ەستەرىڭىزگە سالا كەتەيىك، بۇعان دەيىن اقش مەملەكەتتىك دەپارتامەنتى اقش اسكەري كۇشتەرىمەن ىنتىماقتاستىقتا بولعان 2500 اۋعانستان ازاماتتارى ارنايى يمميگراتسيالىق ۆيزالار العانىن مالىمدەگەن. ولار ۆيردجينيا شتاتىنداعى فورت لي قالاسىندا ۋاقىتشا ورنالاسادى.

IA REGNUM حابارلاعانداي، بۇگىنگە دەيىن اقش ءوز اسكەرلەرىن اۋعانستاننان شىعارۋدى اياقتاعان ەدى. اقش پرەزيدەنتى دجوزەف بايدەن بۇرىن امەريكاندىقتارمەن ىنتىماقتاستىقتا بولعان ازاماتتاردى ەۆاكۋاتسيالاپ جاتقانىن ايتتى. امەريكاندىق اكىمشىلىكتەگى دەرەككوزدەردىڭ ايتۋىنشا، ۆاشينگتون اۋعانستاننىڭ 2500 ازاماتىن ءۇشىنشى ەلدەرگە ەمەس، تىكەلەي امەريكا قۇراما شتاتتارىنا كوشىرۋگە نيەتتى.

جالپى العاندا، اقش 12 500 جەرگىلىكتى تۇرعىندى اۋعانستاننان شىعارۋعا دايىن.

پىكىرلەر