الماتىداعى قۇرلىق اسكەرلەرى اسكەري ينستيتۋتىندا كۋرسانت وق جاراقاتىن العان دەپ حابارلايدى "ادىرنا" ۇلتتىق پورتالى "ەۋرازيا" ءبىرىنشى ارناسىنا سىلتەمە جاساپ.
ديۆەرسياعا قارسى قاۋىپسىزدىك ساباقتارى بارىسىندا كۋرسانتتاردىڭ ءبىرى قارۋدى قولدانۋ كەزىندە قاۋىپسىزدىك شارالارىن بۇزعان. سونىڭ سالدارىنان ابايسىزدا اتىلىپ كەتكەن وق ەكىنشىسىنىڭ اياعىنا تيگەن.
قازىر جەدەل تۇردە قالالىق اسكەري كلينيكالىق گوسپيتالگە جەتكىزىلگەن زارداپ شەگۋشىگە بارلىق مەديتسينالىق كومەك كورسەتىلۋدە.
ال قورعانىس مينيسترلىگى كۋرسانتتىڭ ومىرىنە ەشقانداي قاۋىپ ءتونىپ تۇرماعانىن ايتقان.
"كۋرسانتتاردىڭ ءبىرى قارۋدى قولدانۋ كەزىندەگى قاۋىپسىزدىك شارالارىن بۇزۋ سەبەبىنەن ەرىكسىز اۆتوماتتى تۇردە وق اتىلدى. كۋرسانتتىڭ دەنساۋلىعىنا ەشقانداي قاۋىپ جوق. وقيعادان اتا-انالارى حاباردار. قازىرگى ۋاقىتتا اتالعان فاكتى بويىنشا تەكسەرىس جۇرگىزىلۋدە", — دەيدى قورعانىس مينيسترلىگى اقپارات جانە كوممۋنيكاتسيالار دەپارتامەنتىنىڭ وكىلى عاني ءنۇسىپوۆ.
"ادىرنا" ۇلتتىق پورتالى.
